ຂ່າວດ່ວນ

ອອງຊານ ຊູຈີ ຖືກຄະດີລະເມີດກົດໝາຍຄວາມລັບຂອງລັດຖະບານອາດຖືກໂທດຈຳຄຸກ 14 ປີ.

ສຳນັກຂ່າວ CNN ລາຍງານວ່າ ທ່ານ ນາງ ອອງຊານ ຊູຈີ ຖືກເພີ່ມຂໍ້ກ່າວຫາໂດຍກອງທັບອ້າງວ່າລະເມີດກົດໝາຍຄວາມລັບຂອງລັດຖະບານ.

ກົດໝາຍດັ່ງກ່າວມີມາດົນນານຕັ້ງແຕ່ສະໄໝມຽນມາຢູ່ໃຕ້ການປົກຄອງຂອງອັງກິດ ແລະ ເປັນຂໍ້ກ່າວຫາທີ່ຮຸນແຮງທີ່ສຸດທີ່ ທ່ານ ນາງ ອອງຊານ ຊູຈີ ໄດ້ຮັບເພາະອາດຖືກໂທດຈຳຄຸກ 14 ປີ.

ຂໍ້ກ່າວຫາດັ່ງກ່າວຖືເປັນຂໍ້ກ່າວຫາທີ 5 ຂອງທ່ານ ນາງ ອອງຊານ ຊູຈີ ຫຼັງເກີດລັດຖະປະຫານ ເຊິ່ງ 4 ຂໍ້ກ່າວຫາກ່ອນໜ້ານີ້ມີການລະເມີດກົດໝາຍນຳເຂົ້າ ແລະ ສົ່ງອອກ ແລະ ການເຜີຍແຜ່ຂໍ້ມູນທີ່ສ້າງຄວາມສະເທືອນຂັວນຕໍ່ສາທາລະນະລວມຢູ່ນຳ.

ທະນາຍຄວາມຂອງທ່ານນາງອອງຊານຊູຈີ ທ່ານ ຂິ່ນ ເໝົ່າ ຊໍ ກ່າວວ່າຂໍ້ກ່າວຫາດັ່ງກ່າວໄດ້ຖືກຮັບຮອງໃນວັນທີ 25 ມີນາທີ່ຜ່ານມາ, ແຕ່ທ່ານໄດ້ຖືກແຈ້ງໃຫ້ຊາບໃນວັນທີ 30 ມີນາ.

ການເປີດເຜີຍດັ່ງກ່າວໄດ້ເກີດຂື້ນໃນຂະນະທີ່ກອງທັບມຽນມາປະກາດວ່າຈະຕັດສັນຍານອິນເຕີເນັດໃນທົ່ວປະເທດ ເພື່ອຢຸດການປະທ້ວງຂອງປະຊາຊົນທີ່ຕໍ່ຕ້ານການກໍ່ລັດຖະປະຫານ.

ຮຽບຮຽງຂ່າວ: ພຸດສະດີ..​ຂໍ້ມູນຈາກ: laopost.com

ກ່ຽວກັບ admin

ກວດສອບຍັງ

ແຊຣ໌ບອກຕໍ່ ມາຮູ້ຈັກພະຍາດໂຄວິດສາຍພັນອັງກິດກັນເທາະ

ຂໍ້ມູນຈາກໂຮງຫມໍຈຸລາໆ(ປະເທດໄທ) *ການລະບາດຂອງພະຍາດໂຄວິດ-19ໃນປະເທດໄທໃນຂະນະນີ້ແມ່ນສາຍພັນ B.1.1.7 ຫລື British variant. (ມີການກວດ genome ຢືນຢັນແລ້ວ) ການລະບາດຈະຮຸນແຮງຂຶ້ນ 30 ເຖິງ 50 % ທຸກຄົນຄວນລະວັງຕົວໃຫ້ເຕັມທີ່ສັນຍານ …

Leave a Reply

Your email address will not be published. Required fields are marked *