ຂ່າວດ່ວນ

ຮອງນາຍົກລັດຖະມົນຕີ ສອນໄຊ ສີພັນດອນ ລົງຊຸກຍູ້ແກ້ໄຂຄວາມທຸກຍາກ ແຂວງບໍລິຄຳໄຊ

ໃນວັນທີ 1 ເມສາ 2021 ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະ ມົນຕີ ກະຊວງແຜນການ ແລະ ການລົງທຶນ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ, ເພື່ອຊຸກຍູ້, ສົ່ງເສີມ ການແກ້ໄຂຄວາມທຸກຍາກຂອງປະຊາຊົນ ຢູ່ບ້ານນາກະດົກ ເມືອງຄຳເກີດ ແລະ ບ້ານຈັດສັນ ຫ້ວຍຫອຍ ເມືອງວຽງທອງ ແຂວງບໍລິຄຳໄຊ.

ລົງໄປຢ້ຽມ ຢາມເບິ່ງວິຖີການກຳລົງຊີວິດ, ການທຳມາຫາກິນ, ການປະກອບອາຊີບ ໂດຍສະເພາະ ການຂຸດຄຳ, ຮ່ອນຄຳ ຂອງປະຊາຊົນຢູ່ພາຍໃນບ້ານນາກະດົກ ເມືອງຄຳເກີດ.

ພ້ອມທັງມອບເງິນຊຸກຍູ້, ຊ່ວຍ ເຫລືອຈຳນວນ 10 ລ້ານກີບ ໃຫ້ອຳນາດການປົກຄອງບ້ານ ນຳໄປໝູນໃຊ້ເຂົ້າໃນການພັດທະນາບ້ານ ແລະຍັງໄດ້ລົງຢ້ຽມຢາມ ປະຊາ ຊົນ ທີ່ໄດ້ຮັບຜົນກະທົບ ຈາກໂຄງການເຂື່ອນໄຟຟ້ານ້ຳເທີນ 1 ທີ່ໄດ້ຍົກຍ້າຍ ມາຢູ່ບ້ານຈັດສັນ ຫ້ວຍຫອຍ

ຈຳນວນ 300 ກວ່າຄົວເຮືອນ, ຢູ່ເມືອງວຽງທອງ ທ່ານໄດ້ ໄດ້ມອບເງິນຈຳນວນ 100 ລ້ານກີບ ໃຫ້ກ້ອງທຶນພັດທະນາເມືອງ ເພື່ອມອບໃຫ້ອຳນາດການປົກຄອງບ້ານຈັດສັນຫ້ວຍຫອຍ ນຳໄປພັດນາບ້ານ ໃຫ້ຈະເລີນຮຸ່ງເຮືອງ, ໃຫ້ສະອາດງາມຕາ, ສະຫງົບ ແລະ ປອດໄພ.

ກ່ຽວກັບ admin

ກວດສອບຍັງ

ແຊຣ໌ບອກຕໍ່ ມາຮູ້ຈັກພະຍາດໂຄວິດສາຍພັນອັງກິດກັນເທາະ

ຂໍ້ມູນຈາກໂຮງຫມໍຈຸລາໆ(ປະເທດໄທ) *ການລະບາດຂອງພະຍາດໂຄວິດ-19ໃນປະເທດໄທໃນຂະນະນີ້ແມ່ນສາຍພັນ B.1.1.7 ຫລື British variant. (ມີການກວດ genome ຢືນຢັນແລ້ວ) ການລະບາດຈະຮຸນແຮງຂຶ້ນ 30 ເຖິງ 50 % ທຸກຄົນຄວນລະວັງຕົວໃຫ້ເຕັມທີ່ສັນຍານ …

Leave a Reply

Your email address will not be published. Required fields are marked *