ຂ່າວດ່ວນ

ເຈົ້າແຂວງສາລະວັນ ນຳພາ ທ່ານ ຈ້າວເຫຼີນ ໄປເບິ່ງເຂດເໝາະສົມແກ່ການລົງທຶນ

ທ່ານ ໂພໄຊ ໄຊຍະສອນ ເຈົ້າແຂວງສາລະວັນ ພ້ອມດ້ວຍຄະນະ ໄດ້ຕ້ອນຮັບການເຂົ້າພົບປະ ຢ້ຽມຢາມຂອງ ທ່ານ ຈ້າວເຫຼີນ ປະທານເສດຖະກິດສາມຫຼ່ຽມທອງຄຳ (ເຂດຊາຍແດນລາວ-ຈີນ) ພ້ອມ ຄະນະໃນໂອກາດມາຢ້ຽມຢາມແຂວງສາລະວັນ ໃນວັນທີ 27 ມີນາຜ່ານມາ.

ການມາຢ້ຽມຢາມແຂວງສາລະວັນຄັ້ງນີ້, ທ່ານ ຈ້າວເຫຼີນ ໄດ້ແຈ້ງເຈດຈຳນົງຕໍ່ທ່ານເຈົ້າແຂວງ ວ່າຢາກມາເບິ່ງຄວາມເປັນໄປໄດ້ ທີ່ຈະລົງທຶນພັດທະນາເດີ່ນບິນຂອງແຂວງ, ລົງທຶນໃສ່ດ້ານກະສິກຳປູກ ຝັງ-ລ້ຽງສັດ ແລະ ດ້ານການທ່ອງທ່ຽວ.

ທ່ານເຈົ້າແຂວງສາລະວັນ ພ້ອມຄະນະກໍໄດ້ນຳພາ ທ່ານ ຈ້າວເຫຼີນ ພ້ອມຄະນະ ໄປເບິ່ງສະ ຖານທີ່ຈະທຳການຜະລິດກະສິກຳ ຢູ່ບ້ານໂຈະ ເມືອງຕະໂອ້ຍ ແຂວງສາລະວັນ ຊຶ່ງເປັນເຂດທີ່ມີເນື້ອທີ່ດິນ ເປົ່າວ່າງ ກວ້າງຂວາງ ເໝາະແກ່ການລົງທຶນທໍາການຜະລິດກະສິກຳປູກຝັງ-ລ້ຽງສັດ ແລະ ດ້ານການ ທ່ອງທ່ຽວ.

ຈາກນັ້ນ, ກໍໄດ້ໄປຢ້ຽມຢາມເບິ່ງເຂດເຊື່ອມຕໍ່ລະຫວ່າງຊາຍແດນລະໄລ ເມືອງສະໝ້ວຍ ແຂວງສາລະວັນ ຊາຍແດນລາວ – ຫວຽດນາມ, ທີ່ມີຄວາມເປັນໄປໄດ້ທີ່ຈະເປັນເສັ້ນທາງເພື່ອຈະດຶງດູດ ການທ່ອງທ່ຽວ, ຂະບວນການຊື້-ຂາຍສິນຄ້າ ແລະ ເປັນເສັ້ນທາງລຳລຽງຂົນສົ່ງສິນຄ້າ.

(ພາບ-ຂ່າວ: ສິດຕາ ເພັດວົງສາ)

ກ່ຽວກັບ admin

ກວດສອບຍັງ

ແຊຣ໌ບອກຕໍ່ ມາຮູ້ຈັກພະຍາດໂຄວິດສາຍພັນອັງກິດກັນເທາະ

ຂໍ້ມູນຈາກໂຮງຫມໍຈຸລາໆ(ປະເທດໄທ) *ການລະບາດຂອງພະຍາດໂຄວິດ-19ໃນປະເທດໄທໃນຂະນະນີ້ແມ່ນສາຍພັນ B.1.1.7 ຫລື British variant. (ມີການກວດ genome ຢືນຢັນແລ້ວ) ການລະບາດຈະຮຸນແຮງຂຶ້ນ 30 ເຖິງ 50 % ທຸກຄົນຄວນລະວັງຕົວໃຫ້ເຕັມທີ່ສັນຍານ …

Leave a Reply

Your email address will not be published. Required fields are marked *