ຂ່າວດ່ວນ

ວັນ​ ຄ ຽ ດ ແ ຄ້ ນ ຂອງຊາວເມືອງທ່າແຂກ ແຂວງຄຳມ່ວນ 21 ມີ​ນາ ຄົບຮອບ 75 ປີ

ພາບແຕ້ມ ກ່ຽວກັບເຫດການວັນທີ 21 ມີນາ 1946ວັນຄຽດແຄ້ນ ຂອງຊາວເມືອງທ່າແຂກ ແຂວງຄຳມ່ວນ ຄົບຮອບ 75 ປີ

ທ່ານຍັງຈື່ ເຫດການປະຫວັດສາດນີ້ ໄດ້ບໍ່ ? ວັນທີ 21 ມີນາ 1946 ຝຣັ່ງ ໄດ້ໃຊ້ຍົນສະປິດຟາຍ 4 ລໍາບິນຂຶ້ນຫວ່ານໃບປີວທີ່ມີລາຍເຊັນຜູ້ບັນຊາການທະຫານສູງສຸດຂອງຝຣັ່ງປະຈໍາຢູ່ອິນດູຈີນ ເຊິ່ງມີເນື້ອໃນວ່າ “ໃຫ້ກອງກຳລັງປະກອບອາວຸດ ປະຈໍາເມືອງທ່າແຂກອອກມາຍອມຈໍານົນທີ່ທາງ 3 ແຍກ ກິໂລແມັດທີ 4 ນາມະລາດ ໂດຍດ່ວນ. ຖ້າບໍ່ປະຕິບັດພາຍ ໃນ 15 ນາທີ ເມືອງທ່າແຂກ ຈະຖືກທໍາລາຍ ແລະ ທຸກຄົນ ຈະຖືກດັບສູນ”

ກອງກຳລັງຂອງ ສະເດັດເຈົ້າ ສຸພານຸວົງ ໄດ້ເດັດດ່ຽວບໍ່ ຍອມຈຳນົນ ແລະ ສຽງປືນກໍແຕກຂຶ້ນໃນໄລຍະຕໍ່ມາ. ພວກເຂົາໄດ້ນໍາໃຊ້ທັງປືນໃຫຍ່ ແລະ ເຮືອບິນສູ້ຮົບເຂົ້າ ທໍາລາຍຕົວເມືອງທ່າແຂກ ເຮັດໃຫ້ປະຊາຊົນລົ້ມຕາຍ ເປັນຈໍານວນຫຼວງຫຼາຍ.

ຮອດເວລາ 12 ໂມງທ່ຽງຂອງ ວັນດຽວກັນ, ເມື່ອເຫັນວ່າສະພາບການເຫຼັກຫຼາຍກ່ວາ ຖ່ານ ແລະ ເພື່ອຮັກສາຄວາມປອດໄພ ໃຫ້ແກ່ສະເດັດ ເຈົ້າສຸພານຸວົງ, ຄະນະປ້ອງກັນຈິ່ງຮ້ອງຂໍໃຫ້ ລຸງສຸພານຸ ວົງ ໂຕນໜີຂ້າມໄປນະຄອນພະນົມເພື່ອຫຼົບໄພເສຍກ່ອນ, ແຕ່ເພິ່ນຊ້ຳພັດບໍ່ຍອມໄປ ເພາະຕ້ອງລໍຟັງ ລາຍງານ ສະພາບການຈາກແນວຮົບ.

ສະເດັດເຈົ້າສຸພານຸວົງ ໄດ້ເວົ້າຂຶ້ນວ່າ “ຈະໜີຈາກປະຊາຊົນໄດ້ຢ່າງໃດ ໃນເມື່ອເມືອງທ່າແຂກ ຍັງມີນັກຮົບກູ້ຊາດ ຕໍ່ສູ້ກັບສັດຕູຢູ່” ຄຳເວົ້າດັ່ງກ່າວ ໄດ້ສະແດງໃຫ້ເຫັນເຖິງຄວາມ ກ້າຫານ ແລະ ເດັດດ່ຽວຕໍ່ສູ້ຍອມເສຍສະຫຼະເພື່ອປະເທດຊາດ ເພື່ອປະຊາຊົນ ຂອງລຸງສຸພານຸວົງຢ່າງແທ້ຈິງ!

ພາຍຫຼັງຈາກນັ້ນ, ເມື່ອສະພາບການບີບຮັດ ລຸງສຸພານຸວົງ ຈິ່ງໄດ້ຖອຍໜີຈາກເມືອງທ່າແຂກທາງເຮືອ ເພື່ອຂ້າມໄປຝັ່ງໄທ ແຕ່ກໍຖືກເຮືອບິນຂອງສັດຕູບິນຍິງທຳລາຍ ເຮັດໃຫ້ເພິ່ນຖືກບາດເຈັບ ກະສຸນລູກປືນຍິງຖືກ ໂຕເພິ່ນກະດູກຂ້າງຫັກ 3 ຊີກ ແລະທະຫານຄຸ້ມກັນ ເພິ່ນໄດ້ເສຍສະຫຼະຊີວິດເພື່ອກັ້ງບັງກະສຸນລູກປືນໃຫ້ ເພິ່ນອີກ 2 ສະຫາຍ.

ແຕ່ຖືວ່າໂຊກດີທີ່ເພິ່ນສາມາດ ຂ້າມໄປຝັ່ງນະຄອນພະນົມ ແລະ ຮັກສາຕົວຢູ່ທີ່ນັ້ນ.ສົງຄາມຮຸກຮານເມືອງທ່າແຂກ ໃນວັນທີ 21 ມີນາ 1946 ຂອງພວກລ່າເມືອງຂຶ້ນຝຣັ່ງ ໄດ້ສັງຫານປະຊາຊົນຊາວເມືອງທ່າແຂກຜູ້ບໍລິສຸດປະມານ 3,000 ຄົນ.

ກ່ຽວກັບ admin

ກວດສອບຍັງ

ແຊຣ໌ບອກຕໍ່ ມາຮູ້ຈັກພະຍາດໂຄວິດສາຍພັນອັງກິດກັນເທາະ

ຂໍ້ມູນຈາກໂຮງຫມໍຈຸລາໆ(ປະເທດໄທ) *ການລະບາດຂອງພະຍາດໂຄວິດ-19ໃນປະເທດໄທໃນຂະນະນີ້ແມ່ນສາຍພັນ B.1.1.7 ຫລື British variant. (ມີການກວດ genome ຢືນຢັນແລ້ວ) ການລະບາດຈະຮຸນແຮງຂຶ້ນ 30 ເຖິງ 50 % ທຸກຄົນຄວນລະວັງຕົວໃຫ້ເຕັມທີ່ສັນຍານ …

Leave a Reply

Your email address will not be published. Required fields are marked *