ຂ່າວດ່ວນ

ອ່ານແລ້ວແຊຣ໌.! 7 ຄຳທຳນາຍ ປີໃໝ່ລາວ 2021

[1]. ນາງສັງຂານປະຈຳປີ 2021 ແມ່ນເທບທິດາອົງທີ່ 4 ຂອງພຣະຍາກະບິນລະພົມຊົງມີພຣະນາມວ່າ : ນາງມົນທາເທວີ, ຊົງພາຫຸຣັດທັດດອກຈຳປາແດງ, ອາພອນປະດັບດ້ວຍແກ້ວໄພທູນ(ແກ້ວສີຂຽວໃບໄມ້), ພັກສາຫານສະເຫວີຍນົມເນີຍເປັນອາຫານ, ພຣະຫັດຂວາຊົງຖືເຫລັກແຫລມ(ຫອກ) , ພຣະຫັດຊ້າຍຊົງຖືໄມ້ເທົ້າ, ສະເດັດນອນຫລັບຕາມາເທີງຫລັງລາເປັນພາຫານະ.

[2]. ເກນພິລຸນສາດ : ພຣະເສົາເປັນອະທິບໍດີ, ພຣະຍານາກຫລິ້ນນ້ຳ6 ໂຕ, ບັນດານໃຫ້ຝົນຕົກ 400 ຫ່າ, ຕົກໃນຈັກກະວານ 160 ຫ່າ, ຕົກໃນປ່າຫິມະພານ 120 ຫ່າ, ຕົກໃນມະຫາສະຫມຸດ 80 ຫ່າ, ຕົກໃນໂລກມະນຸດ 40 ຫ່າ.

[3]. ເກນທາຣາທິຄຸນ : ຕົກລາສີອາໂປ, ນໍ້າຈະມາກ, ຝົນຈະມີອຸດົມທຸກແຫ່ງ, ນາດອນ ແລະ ນາລຸ່ມຈະດີທຸກແຫ່ງ, ຈະມີລົມພັດມາບາງຄັ້ງຄາວໃນທິດທັງສີ່ຕາມລະດູການ.

[4]. ເກນທັນຍາຫານ : ຊື່ວ່າ “ວິບັດ” ເຂົ້າກ້າໃນໄຮ່ນາຈະມີດ້ວງ ບົ້ງ ແມງກິນ ຖ້າບໍ່ກະກຽມວິທີແກ້ໄວ້ໃຫ້ທັນຈະໄດ້ຮັບຜົນແຕ່ເຄິ່ງໜຶ່ງ ເສຍໄປເຄິ່ງໜຶ່ງ.

[5]. ຜະລາມັດຊະມັງສາຫານ : ໝາກໄມ້ຈະບໍ່ສູ້ເປັນດົກໜາປານໃດ ໝາກໄມ້ຈະແພງ ຊີ້ນປາອາຫານຈະມີພໍສົມຄວນ.

[6]. ຣຸກຂະຊາດ : ໄມ້ອ້ອຍຊ້າງເປັນພະຍາ, ນ້ຳຈະຫລາຍຈະມີນ້ຳຖ້ວມ; ປູກເຂົ້າໄດ້ດີ ປູກໝາກເຜັດ ປູກພູດີທຸກຢ່າງ.

[7]. ເກນກາລະໂຍກ : ວັນອາທິດເປັນທຸງໄຊ, ວັນຈັນເປັນອະທິບໍດີ, ວັນສຸກເປັນອຸບາດ, ວັນພຸດເປັນໂລກາວິນາດ.

ອີງຕາມຄຳທຳນາຍຕາມຫລັກໂຫລາສາດລາວປະຈຳປີສະຫລູ, ຈສ. 1383, ຄສ. 2021, ພສ. 2564; ຄຳນວນໂດຍ : ສາທຸ ບຸນທັນ ປຸນຍະກາມະເຖຣະ, ທີ່ວັດປ່າໂພນເພົາວະນາຣາມນະຄອນຫລວງພຣະບາງ.

ກ່ຽວກັບ admin

ກວດສອບຍັງ

10 ອັນດັບມະຫາເສດຖີລວຍທີ່ສຸດໃນໂລກ ປະຈຳປີ 2021 ຈາກການຈັດອັນດັບໂດຍວາລະສານ Forbes

​ເຈ​ຟ ​ເບ​ຊໍ​ສ ຍັງ​ຮັກສາ​ຕຳ​ແໜ່​ງມະຫ​າ​ເສດຖີ​ລວຍ​ທີ່​ສຸດ​ໃນ​ໂລກ​ເປັນ​ປີ​ທີ 4 ຕິດ​ຕໍ່​ກັນ ມີ​ຊັບ​ສິນ 1,77 ​ແສນ​ລ້ານ​ໂດ​ລາ​ສະຫະລັດ, ຮອງ​ລົງ​ມາ​ຄື ອີ​ລອນ ມັສ ທີ່​ຫຸ້ນ​ເທສລາ​ສົ່ງ​ໃຫ້​ຊັບ​ສິນ​ຂອງ​ລາວ​ເພີ່ມ​ຂຶ້ນຕໍ່​ເນື່ອງ​ຈົນ​ເຂົ້າມາ​ນັ່ງ​ແທ່ນ​ມະຫາ​ເສດຖີ​ອັນ​ດັບ 2 ຂອງ​ໂລກ ​ໂດຍ​ລາວ​ມີ​ຊັບ​ສິນ …

Leave a Reply

Your email address will not be published. Required fields are marked *