ຂ່າວດ່ວນ

ເຫດ​ ໂ ຈ ນ ລັກ​ລົດໃຫຍ່​ ແຕ່ໄປບໍ່ລອດ ເຈົ້າໜ້າທີ່ໃຊ້ເວລາພຽງ7 ຊົ່ວໂມງກໍ່ສາມາດຈັບໄດ້ແລ້ວ

ຈາກການຄຸ້ມຄອງເປົ້າໝາຍແໜ້ນ, ການປະສານສົມທົບຢ່າງວ່ອງໄວ ແລະ ກົມກ່ຽວສາມມາດແກ້ໄຂກໍລະນີຄົນຮ້ າຍລັກລົດໃຫຍ່ໄດ້ພາຍໃນ 7 ຊົ່ວໂມງ

ໂດຍອີງໃສ່ຂໍ້ມູນແຈ້ງຄວາມຂອງຜູ້ເສຍຫາຍວ່າ: ເວລາ 16:30 ນາທີ ຂອງວັນທີ 5 ມີນາ 2021 ໄດ້ມີຄົນຮ້າຍລັກລົດໃຫຍ່ປະເພດ ວີໂກ້ ໝາຍເລກທະບຽນ (ກຜ 7269) ຢູ່ໜ່ວຍ 57 ບ້ານແສງສະຫວ່າງ ເມືອງໄຊເສດຖາ ຈາກຂໍ້ມູນດັ່ງກ່າວ ປກສ ເມືອງ, ປກສ ກຸ່ມວັງຊາຍ,

ອຳນາດການປົກຄອງບ້ານ ແລະ ປກສ – ກອງຫຼອນ ບ້ານແສງສະຫວ່າງ ໄດ້ສົມທົບກັນແໜ້ນກວດກາ, ເກັບກຳຂໍ້ມູນຊັນນະສູດບັນດາເປົ້າໝາຍທີ່ມີການເຄື່ອນໄຫວຢູ່ພື້ນທີ່, ສົມທົບກວດກາຂໍ້ມູນທາງດ້ານເຕັກນິກວິຊາສະເພາະ ຈຶ່ງສາມາດກໍານົດໄດ້ເປົ້າໝາຍ ແລະ ຮອດເວລາ 00 ໂມງ 30 ນາທີ ຂອງເຊົ້າວັນທີ່ 6 ມີນາ 2021 ສາມາດຈັບໄດ້ເປົ້າໝາຍລັກລົດ ຊື່ທ້າວ ພຸດທະວົງ ອາຊີບຫວ່າງງານ ຢູ່ບ້ານຂາມງອຍ ເມືອງໄຊເສດຖາ ພ້ອມເກັບກູ້ໄດ້ຜົນເສຍຫາຍ.

ຜົນການສອບສວນເບື້ອງຕົ້ນເປົ້າໝາຍລັກລົດຄັ້ງນີ້ມີປະຫວັດຜ່ານມາເປັນຜູ້ເສບຢາບ້າ, ລັກງັດແງະ, ທຸບແວນລົດ ເຊິ່ງເຄີຍຖືກກັກ ແລະ ດຳເນີນຄະດີມາກ່ອນ.​

ຈາກການແກ້ໄຂຄະດີຕ່າງໆຜ່ານມາ ແລະ ຄະດີນີ້ເຫັນໄດ້ວ່າ: ຂໍ້ມູນຫຼັກຖານຈາກພາບກ້ອງວົງຈອນປິດ ມີສ່ວນຊ່ວຍສຳຄັນໃນການຕິດຕາມ ແລະ ຢັ້ງຢືນເຫດການ, ຕົວບຸກຄົນທີ່ມີສ່ວນກ່ຽວຂ້ອງກັບຄະດີ, ສະນັ້ນ ກອງບັນຊາການ ປກສ ນວ ສະເໜີຂໍ້ແນະນຳມາຍັງ ຄອບຄົວພະນັກງານ, ທະຫານ, ຕຳຫຼວດ, ປະຊາຊົນບັນດາເຜົ່າ ແລະ ຫົວໜ່ວຍທຸລະກິດ ຢູ່ນະຄອນຫຼວງວຽງຈັນ ຄວນຕື່ນຕົວຕິດຕັ້ງກ້ອງວົງຈອນປິດໃນພື້ນທີ່ເຮືອນຊານ ແລະ ເສັ້ນເຂົ້າອອກເຮືອນ

ສະຖານທີ່ດຳເນີນທຸລະກິດຂອງຕົນ ຖ້າເກີດມີເຫດການບໍ່ເພິ່ງປາດຖະໜາ ກໍ່ຈະມີຫຼັກຖານສຳຄັນໃຫ້ແກ່ວຽກງານສືບສວນ ເພື່ອແກ້ໄຂເຫດການ ແລະ ເກັບກູ້ຜົນເສຍຫາຄືນມາ

ກ່ຽວກັບ admin

ກວດສອບຍັງ

ແຊຣ໌ບອກຕໍ່ ມາຮູ້ຈັກພະຍາດໂຄວິດສາຍພັນອັງກິດກັນເທາະ

ຂໍ້ມູນຈາກໂຮງຫມໍຈຸລາໆ(ປະເທດໄທ) *ການລະບາດຂອງພະຍາດໂຄວິດ-19ໃນປະເທດໄທໃນຂະນະນີ້ແມ່ນສາຍພັນ B.1.1.7 ຫລື British variant. (ມີການກວດ genome ຢືນຢັນແລ້ວ) ການລະບາດຈະຮຸນແຮງຂຶ້ນ 30 ເຖິງ 50 % ທຸກຄົນຄວນລະວັງຕົວໃຫ້ເຕັມທີ່ສັນຍານ …

Leave a Reply

Your email address will not be published. Required fields are marked *