ຂ່າວດ່ວນ

ຊົມເຊີຍ!..​ໜຸ່ມຫຼໍ່ສູ້ຊີວິດ ຍອມແບກມັນວັນລະໂຕນ ເພື່ອລ້ຽງ 9 ຊີວິດ

ທຸກຄົນທີ່ເກີດມາມີຕົ້ນທຶນຊີວິດບໍ່ເທົ່າກັນ ບາງຄົນເກີດມາບົນກອງເງິນກອງຄຳເຂົ້າບໍໄດ້ຫາປາບໍໄດ້ຫ່ວງ ນັ່ງຢູ່ນອນກິນແສນສະບາຍທັ້ງຊີວິດບໍຮູ້ຄວາມລຳບາກ ບາງຄົນແສນຍາກໄຮ້ພໍແຕ່ຍ່າງໄດ້ປາກເປັນຕ້ອງຊ່ວຍໂຕເອງໃນທຸກໆເລື່ອງ

ແນວໃດກໍ່ຕາມຜູ້ເພິ່ນໂຊກດີລ້ຳລວຍແຕ່ເກີດກໍແມ່ນໂຊກເພິ່ນ ສ່ວນເຮົາຜູ້ຍາກຈົນກໍ່ຕ້ອງສູ້ຊົນເພື່ອວັນຂ້າງໜ້າ ແລະວັນນີ້ທີ່ຍັງມີຊີວິດ ໃຫ້ຄິດວ່າ ນີ້ຄືກຳໄລຄືຄ່າຂອງຄວາມເປັນຄົນເກີດມາຕ້ອງຮູ້ ແລະສູ້ເພື່ອສ້າງຮາກຖານທີ່ແຂງແກ່ນໃຫ້ກັບຕົນເອງ.

ທີ່ຍົກມາເປັນຕົວແບບໃນເລື່ອງນີ້ຄືທ້າວແຫຼມ ຫຼື ທ້າວ ມົງຄຸນ ມູນບຸນ ໜຸ່ມນ້ອຍຄົນໜຶ່ງທີ່ລາວຕ້ອງດິ້ນຮົນແບກຫາບມັນຕົ້ນ, ຮັບຈ້າງທຸກຢ່າງເພື່ອຊຸບລ້ຽງຊີວິດຂອງ 9 ຄົນໃນຄອບຄົວໃຫ້ຢູ່ລອດໄປແຕ່ລະວັນ ພ້ອມທັງຮຽນໄປພ້ອມໆກັນ.ທ້າວແຫຼມເປັນລູກຊາຍຫຼ້າຂອງຄອບຄົວ ພໍ່ຂອງນ້ອງອາຍຸ 73 ປີແລ້ວ ແມ່ 59 ປີ,

ແມ່ລາວຮ່າງກາຍອ່ອນເພຍທຳມາຫາກິນບໍໄດ້ຍ້ອນເປັນລຳໄສ້ ສ່ວນພໍ່ເປັນໂຣກຫອບຫືດ, ເປັນຄວາມດັນ ຖົງລົມບົກພ່ອງ ສອງເຖົ້າຈິ່ງຫາກິນດ້ວຍການສານຍູກວດສົ່ງຂາຍເອົາເງິນມາລ້ຽງຊີບເທົ່ານັ້ນ.

ຍ້ອນເຫດຈຳເປັນພໍ່ແມ່ທີ່ເປັນດັ່ງຊີວິດບໍ່ສາມາດໄປທຳມາຫາກິນໄດ້ອີກ ທ້າວແຫຼມຈິ່ງອາສາມາຮັບຈ້າງຫາເງິນຊ່ວຍພໍ່ແມ່ດ້ວຍໄວພຽງ 14 ປີ, ທຸກໆມື້ແຫຼມຕ້ອງສູ້ຊີວິດແບກຫາບມັນຕົ້ນບໍ່ໜ້ອຍກວ່າ 1 ພັນກິໂລ ເພື່ອໃຫ້ໄດ້ເງິນມາຊື້ຢາຮັກສາພໍ່ກັບແມ່ ແລະຊື້ກິນໃຫ້ຄົນໃນຄອບຄົວ.

ແຫຼມບອກວ່າ ຈະທຸກປານໃດຕົນເອງກໍ່ບໍ່ເຄີຍຄິດທໍ້ຂໍພຽງໃຫ້ພໍ່ແມ່ໄດ້ຢູ່ສຸກສະບາຍກໍ່ພໍໃຈແລ້ວ.ທ້າວຫຼຽນ ພໍ່ຂອງແຫຼມເລົ່າວ່າ ຄອບຄົວຂອງຕົນຍາກຈົນຢູ່ເຮືອນໄມ້ຫຼັງເກົ່າໆ ຝາເຮືອນແອ້ມດ້ວຍໄມ ແລະສັງກະສີພໍປິດບັງລົມ ຕົນພະຍາຍາມຕໍ່ລະບຽງອອກໄປເພື່ອໃຫ້ມີທີ່ຢູ່ກວ້າງຂຶ້ນ ໂດຍຕົນມີລູກທັງໝົດ 5 ຄົນ ຍິງ 3 ຊາຍ 2, ລູກສາວກັບຊາຍກົກມີຄອບຄົວແລ້ວແຕ່ຍັງອາໄສຢູ່ນຳກັນໃນເຮືອນຫຼັງນີ້.

ພໍ່ເລົ່າອີກວ່າ ລູກຊາຍຫຼ້າກໍ່ແມ່ນທ້າວແຫຼມອາຍຸພຽງ 14 ປີ ທຸກໆວັນເສົາ-ອາທິດມື້ພັກໂຮງຮຽນຕ້ອງມາຮັບຈ້າງຕາມໄຮ່ນາຮົ້ວສວນ ບໍ່ຈັກສີດຢາ, ກີດຢາງ, ລົກມັນແບກມັນຕົ້ນ ແລ້ວແຕ່ລະດູການເກັບກ່ຽວ ຊາວບ້ານເຮັດຫຍັງແຫຼມກໍ່ໄປຮັບຈ້າງໝົດເພື່ອມີລາຍໄດ້ມາຈູນເຈືອຄອບຄົວ.ສຳລັບທ້າວແຫຼມແລ້ວ ເຖິງຈະເປັນເສົາຫຼັກຂອງຄອບຄົວດ້ວຍໄວພຽງ 14 ປີແຕ່ຜູ້ກ່ຽວເອງແມ່ນມີເກີບໃສ່ພຽງຄູ່ດຽວ ເພື່ອໄປໂຮງຮຽນໃນແຕ່ລະວັນ ຫຼັງເລີກຮຽນຕ້ອງເກັບຮັກສາໃຫ້ດີທີ່ສຸດໃຫ້ເກີບຄູ່ນັ້ນສາມາດໃຊ້ງານໄດ້ດົນທີ່ສຸດ.

ທ້າວແຫຼມຍັງບອກອີກວ່າ ຕົນຕ້ອງເຮັດວຽກໜັກເພາະພໍ່ແມ່ແກ່ແລ້ວ ເອື້ອຍອ້າຍມີຄອບຄົວແຕ່ເຂົາກໍ່ຫາພໍແຕ່ກຸ້ທປາກກຸ້ມທ້ອງບໍ່ສາມາດຢິກຢືມໃຫ້ພໍ່ກັບແມ່, ສະນັ້ນບາງມື້ທີ່ມີງານຮັບຈ້າງກໍ່ພໍໄດ້ເງິນມື້ລະ 80-90.000 ກີບ ຫຼື 300 ບາດ ມື້ບໍມີຕົນຕ້ອງລົງຄອງຫາປາມາຂາຍແທນບໍ່ໃຫ້ເຂົ້າຂາດແລງແກງຂາດໝໍ້. ແຫຼມຖືເປັນຕົວແບບຂອງຄົນສູ້ຊີວິດ ແນ່ນອນວັນນີ້ລາວທຸກຫຼາຍແຕ່ວັນຂ້າງໜ້າຈະເປັນຄົນທີ່ເຂັ້ມແຂງ ເຕັມປ່ຽມດ້ວຍປະສົບການຊີວິດ ແລະບໍ່ຄອນແຄນງ່າຍ ຖືເປັນກຳໄລຂອງຄົນສູ້ຊີວິດທີ່ຄົນຮັ່ງມີບໍ່ເຄີຍພົບພໍ້.ບຸກຄົນໃນຂ່າວນີ້ແມ່ນຊາຍໜຸ່ມໄທຈາກຈັງຫວັດປລາຈີນບູລີ

ກ່ຽວກັບ admin

ກວດສອບຍັງ

ແຊຣ໌ບອກຕໍ່ ມາຮູ້ຈັກພະຍາດໂຄວິດສາຍພັນອັງກິດກັນເທາະ

ຂໍ້ມູນຈາກໂຮງຫມໍຈຸລາໆ(ປະເທດໄທ) *ການລະບາດຂອງພະຍາດໂຄວິດ-19ໃນປະເທດໄທໃນຂະນະນີ້ແມ່ນສາຍພັນ B.1.1.7 ຫລື British variant. (ມີການກວດ genome ຢືນຢັນແລ້ວ) ການລະບາດຈະຮຸນແຮງຂຶ້ນ 30 ເຖິງ 50 % ທຸກຄົນຄວນລະວັງຕົວໃຫ້ເຕັມທີ່ສັນຍານ …

Leave a Reply

Your email address will not be published. Required fields are marked *