ຂ່າວດ່ວນ

ຊ່ວຍກັນແຊຣເຕຶອນ !!!ຜູ້ທີ່ມັກກິນ ແຈ່ວເສສວນປອມກຳລັງລະບາດຢູ່ລາວ.

ຊ່ວຍກັນແຊ ຂ່າວເຕືອນ ແຈ່ວຈີນ ແລະ ຈຸ່ມຈີນຂອງປອມລະບາດໜັກໃນ ສປປ ລາວ ພາໃຫ້ເກີດເປັນມະເຮັງ ເປັນກ້ອນເບົ້າພະຍາດຍິງ ພະຍາດໄສ້ອຸດຕັນ ພາໃຫ້ເກີດໄຂມັນເປື້ອນຕົກຄ້າງໃນຮ່າງກາຍ ຄວນລະວັງກ່ອນບໍລິໂພດ.

ກົມການຄ້າພາຍໃນຈັດພິທີທຳລາຍສິນຄ້າເຄື່ອງບໍລິໂພກປະເພດແກ່ນຕາເວັນ ແລະ ເຄື່ອງປຸງແຕ່ງອາຫານມີເຄື່ອງໝາຍການຄ້າເສສວນ ທີ່ປຸງແຕ່ງ, ບັນຈຸຫຸ້ມຫໍ່, ປອມແປງ-ຮຽນແບບ ແລະ ລະເມີດເຄື່ອງໝາຍການຄ້າ ມູນຄ່າ 200 ລ້ານກວ່າກີບ.

ພິທີຈັດທຳລາຍສິນຄ້າເຄື່ອງບໍລິໂພກປະເພດແກ່ນຕາເວັນ, ຖົງບັນຈຸແກ່ນຕາເວັນ ແລະ ເຄື່ອງປຸງອາຫານ ປະເພດແຈ່ວເສສວນ, ຖົງບັນຈຸແຈ່ວເສສວນ ໄດ້ຈັດຂຶ້ນໃນວັນທີ 9 ກັນຍາ 2020 ທີ່ສະໜາມຂີ້ເຫຍື້ອ ຫຼັກ 32, ບ້ານນາຜາສຸກ, ເມືອງໄຊທານີ, ນະຄອນຫຼວງວຽງຈັນ ໂດຍການເຂົ້າຮ່ວມຂອງ ທ່ານ ສົມຈິດ ອິນທະມິດ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ, ມີທ່ານ ວິລະໄຊ ເລັ່ງສະຫວັດ ຫົວໜ້າກົມການຄ້າພາຍໃນ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ໃນພິທີ ທ່ານ ສົມຊາຍ ນົງລາດ ຫົວໜ້າພະແນກກວດກາການຄ້າ, ກົມການຄ້າພາຍໃນ ໄດ້ຜ່ານຂໍ້ຕົກລົງ ວ່າດ້ວຍການທໍາລາຍສິນຄ້າທີ່ປອມແປງ-ຮຽນແບບ ແລະ ລະເມີດເຄື່ອງໝາຍການຄ້າ ວ່າ: ໂດຍປະຕິບັດຕາມພາລະບົດບາດ ແລະ ທິດຊີ້ນຳຂອງຄະນະນໍາກະຊວງອຸດສາຫະກຳ ແລະ ການຄ້າ,ກົມການຄ້າພາຍໃນ ໄດ້ຈັດພິທີທຳລາຍ ສິນຄ້າປະເພດແກ່ນຕາເວັນອົບແຫ້ງ ຍີ່ຫຍໍ້ GNQ ແລະ ເຄື່ອງປຸງອາຫານປະເພດ ແຈ່ວເສສວນ ທີ່ບໍ່ໄດ້ຄຸນນະພາບ ແລະ ທໍາການຜະລິດບໍ່ຖືກຕ້ອງຕາມລະບຽບກົດໝາຍ ພ້ອມທັງຊອງເປົ່າ ລວມມູນຄ່າ 208.405.000 ກີບ.

ສິນຄ້າດັ່ງກ່າວ ເຈົ້າໜ້າທີ່ກວດກາການຄ້າ ໄດ້ລົງຕິດຕາມ, ກວດກາເປົ້າໝາຍພົບທີ່ ໂຮງງານ ອັດຮ່າຍ ແລະ ປຸງແຕ່ງອາຫານ, ຢູ່ບ້ານແກ້ງໄຄ້, ເມືອງໄຊທານີ ນະຄອນຫຼວງວຽງຈັນ ແລະ ຮ້ານຈຳໜ່າຍ ສິນຄ້າຂອງໂຮງງານດັ່ງກ່າວ ຢູ່ບ້ານຫ້ວຍຫົງ ເມືອງຈັນທະບູລີ ໃນວັນທີ 16 ມິຖຸນາ 2020 ຜ່ານມາ

ເຊິ່ງໂຮງງານດັ່ງກ່າວໄດ້ນໍາໃຊ້ໃບທະບຽນວິສາຫະກິດບໍລິສັດຜະລິດຕະພັນອາຫານຢົງລີ ວຽງຈັນ ຈໍາກັດຜູ້ດຽວ ມີການຜະລິດແກ່ນຕາເວັນອົບແຫ້ງ ແລະ ແຈ່ວເສສວນ ໂດຍບໍ່ໄດ້ຮັບອະນຸຍາດ ການດຳເນີນທຸລະກິດການຜະລິດຈາກຂະແໜງອຸດສາຫະກໍາ, ບໍ່ມີໃບຢັ້ງຢືນ ອຍ ຈາກຂະແໜງສາທາລະນະສຸກ ຈຶ່ງບໍ່ຮັບປະກັນທາງດ້ານຄຸນນະພາບ.

ນອກນັ້ນ, ໃນຊອງບັນຈຸແກ່ນຕາເວັນຍັງລະບຸແອບອ້າງຊື່ຂອງບໍລິສັດນຳເຂົ້າອື່ນ ໂດຍບໍ່ໄດ້ຮັບອະນຸຍາດ ແລະ ຊອງບັນຈຸແຈ່ວເສສວນ ກໍໃສ່ຮູບຄືກັບແຈ່ວທີ່ນໍາເຂົ້າ ຈຶ່ງເຮັດໃຫ້ຜູ້ຊົມໃຊ້ເຂົ້າໃຈຜິດແຫຼ່ງທີ່ມາ ຖືວ່າເປັນການຫຼອກລວງຜູ້ຊົມໃຊ້.

ສະນັ້ນ, ຄະນະລົງກວດກາ ຈຶ່ງໄດ້ຍຶດສິນຄ້າ ແລະ ຂອງກາງທັງໝົດປະກອບມີ: ແກ່ນຕາເວັນອົບແຫ້ງຍີ່ຫໍ້ (GNQ) ທີ່ໄດ້ບັນຈຸໃນແກັດ ຈໍານວນ 219 ແກັດ; ເຄື່ອງປຸງອາຫານປະເພດ ແຈ່ວເສສວນ 201 ແກັດ; ແກ່ນຕາເວັນຍັງບໍ່ທັນບັນຈຸ 105 ກິໂລ; ຖົງເປົ່າບັນຈຸແກ່ນຕາເວັນ ແລະ ແຈ່ວເສສວນ 22 ເປົາ ໄດ້ທຳລາຍຖີ້ມຕາມລະບຽບການ. ສ່ວນໂຮງງານດັ່ງກ່າວ ທາງເຈົ້າໜ້າທີ່ກ່ຽວຂ້ອງໄດ້ໃສ່ມາດຕະການຕາມລະບຽບກົດໝາຍ.

ກ່ຽວກັບ admin

ກວດສອບຍັງ

ລາວກວດພົບຜູ້ຕິດເຊື້ອໄຂ້ຍຸງລາຍເພີ່ມອີກ 8 ກໍລະນີ

ລາວກວດພົບຜູ້ຕິດເຊື້ອໄຂ້ຍຸງລາຍເພີ່ມອີກ 8 ກໍລະນີ ຕາມການລາຍງານຈາກ ທ່ານ ດຣ. ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໃນວັນທີ 29 ມັງກອນ 2021 ໃຫ້ຮູ່ວ່າ: …

Leave a Reply

Your email address will not be published. Required fields are marked *