ຂ່າວດ່ວນ

ກະເສດໄອເດຍ…!!! ວິທີປູກທຸກຢ່າງໃນຂຸມດຽວກັນ ຫຼຸດພາລະແລະເວລາໃນການຫົດນ້ຳ ຕົ້ນໄມ້ເບິ່ງແຍງກັນເອງ ດ້ວຍຫຼັກການ“ຂຸມພໍພຽງ”

+ ການປູກທຸກຢ່າງໃນຂຸມດຽວກັນ ຂະໜາດເສັ້ນຜ່ານສູນກາງ 1 ແມັດ ແຕ່ສຳລັບຄົນທີ່ມີພື້ນທີ່ວ່າງເພື່ອກຽມປູກພືດອາດຈະເຮັດຫຼາຍໆຂຸດ ຄືຂະໜາດຂອງຂຸມແມັດຄູນແມັດຈະເຮັດວົງກົມຫຼືສີ່ຫຼຽມກໍ່ໄດ້.

ແຕ່ໄລຍະຫ່າງລະຫວ່າງຂຸມ 4×4 ມ ຖ້າມີພື້ນທີ່ 1 ໄລ່ ຈະໄດ້ 100 ຂຸມ ຫຼືຖ້າບໍ່ມີພື້ນທີ່ວ່າງກໍ່ສາມາດສ້າງລຽບຕາມແດນກໍ່ໄດ້ມຸມບ້ານຫຼັງຄົວຂອບສະນ້ຳຫຼືແຄມທາງໄດ້ໝົດ.

ວິທີປູກໃນຂຸມດຽວກັນ ຈະເປັນວິທີການບໍລິຫານຈັດການສີ່ງທີ່ຢູ່ໃນຂຸມ ເລີ່ມຈາກການກຽມພື້ນທີ່ຕາມຂະໜາດທີ່ກຳນົດໄວ້ແລ້ວ ກໍ່ປູກຫຍ້າແຝກຫຼືຫົວສີໃຄເປັນຮູບວົງກົມຫຼືສີ່ຫຼຽມຈາກນັ້ນກໍ່ປູກພືດຕ່າງໆໄວ້ໃນຂຸມເຖິງ 4-5 ປະເພດໃນຂຸມດຽວ ເພື່ອຫຼຸດພາລະຫົດນ້ຳແລະປູກຊ້ຳການຈັດການສັດຕູພືດກໍ່ງ່າຍເພາະທຸກຢ່າງເກື້ອກູນກັນ

+ ຕົ້ນໄມ້ທີ່ຈະປູກໃນຂຸມດຽວແບ່ງອອກເປັນ 5 ປະເພດ

1. ໄມ້ພີ່ລ້ຽງ ເປັນໄມ້ທີ່ໃຫ້ຮົ້ມເງົາ ເກັບນ້ຳ ເກັບຄວາມຊຸ້ມຊື້ນໂດຍສະເພາະຊ່ວງຮ້ອນຫຼືໜ້າແລ້ງເຊັ່ນ: ກ້ວຍຄວນປູກທາງທິດຕາເວັນຕົກເພາະຈະຊ່ວຍບັງແສງຊ່ວງບ່າຍທີ່ອາກາດຮ້ອນຈັດ ເປັນພີ່ລ້ຽງໃຫ້ພືດທີ່ບໍ່ມັກແສງແດດຈັດຫຼາຍ

2.​ ໄມ້ຊະລາດ ເປັນໄມ້ຂ້າມປີທີ່ສາມາດເອົາຕົວລອດໄດ້ດີ ເກັບໝາກໄດ້ດົນພໍສົມຄວນເຊັ່ນ: ຜັກຂະ,ຜັກຫວານ,ມັນຕົ້ນ,ຜັກຕີ້ວ,ຜັກສະເມັ໋ກເລີ່ມເກັບກິນໄດ້ເລີ່ມຕັ້ງແຕ່ 1 ເດືອນໄປເລື້ອຍ.

3. ໄມ້ລາຍວັນ ເປັນໄມ້ລົ້ມລຸກປູກງ່າຍຕາຍໄວ ຕ້ອງຄອຍປູກໃໝ່ເບິ່ງຫົດນ້ຳທຸກວັນແຕ່ເກັບຜົນຜະລິດໄດ້ໄວໄດ້ທຸກມື້ເຊັ່ນ:ໝາກເຜັດ,ໝາກເຂືອ,ກະເພົາ,ບົວລະພາ,ຫົວສີໃຄ,ຂ່າ,ໝາກອຶ,ໝາກແຕງ,ຜັກບົ້ງ,ຜັກກາດເປັນຕົ້ນເລີ່ມເກັບກິນໄດ້ຕັ້ງແຕ່ 15 ວັນຂື້ນໄປ

4. ໄມ້ບຳນານ ເປັນໄມ້ຢືນຕົ້ນ ໃຊ້ເວລາປູກ 2-4 ປີ ແຕ່ເມືອໃຫ້ຜົນຜະລິດແລ້ວ ເກັບກິນເກັບຂາຍໄດ້ເລື້ອຍໆເຊັ່ນ:ໝາກມີ້,ໝາກມ່ວງ,ໝາກນາວ,ໝາກເງາະ,ຖົ້ວລຽນ,ມັງຄຸດ,ຢາງພາລາເປັນຕົ້ນໃນຂຸມໜື່ງຄວນເລືອກປູກແຕ່ປະເພດດຽວ.

5. ໄມ້ມໍລະດົກ ເປັນກຸ່ມໄມ້ໃຊ້ສອຍທີ່ອາຍຸຍືນຍາວ ໃຊ້ເວລາປູກດົນເກັບໄວ້ເປັນມໍລະດົກໃຫ້ລູກຫຼານຕັດຂາຍກໍ່ໄດ້ເງີນກ້ອນໃຫຍ່ເຊັ່ນ: ໄມ້ດູ່,ໄມ້ສັກ,ກະເດົາ,ຂະຍຸງ ໄມ້ພວກນີ້ເປັນໄມ້ໃຫຍ່ໃຫ້ປູກຝັງກົງກັນຂ້າມຕົ້ນກ້ວຍ.

+ ການເຮັດຂຸມພໍພຽງປູກທຸກຢ່າງໃນຂຸມດຽວ ດີແນວໃດ ?ເປັນການປູກພືດທີ່ສາມາດເພີ່ງພາອາໃສກັນໄດ້ໃນຂຸມດຽວ ເຮັດໃຫ້ຫຼຸດພາວະໃນການຫົດນ້ຳ ບໍ່ຕ້ອງປູກຊ້ຳເຮັດໃຫ້ຫຼຸດຕົ້ນທຶນແລະການບໍລິຫານຈັດການພືດກໍ່ງ່າຍເພາະເຮົາປູກແບບໃຫ້ພືດເພີ່ງພາກັນເອງ.

+ ປະໂຫຍດ ແລະ ຂໍ້ດີ– ຫຼຸດພາລະການໃຫ້ນ້ຳແລະຝຸ່ນຊ່ວຍໃຫ້ປະຢັດທັງຄ່າໃຊ້ຈ່າຍແລະເວລາ– ສາມາດໃຊ້ພືດທີ່ການກະເສດທີ່ຄຸ້ມຄ່າແລະເກີດປະໂຫຍດສູງສຸດ

– ມີຜົນຜະລິດທາງດ້ານກະເສດຕະຫຼອດປີ– ສາມາດສ້າງລາຍໄດ້ໃຫ້ກັບຕົວເອງແລະຄອບຄົວ

ອ້າງອີງ​: southern times

ກ່ຽວກັບ admin

ກວດສອບຍັງ

4 ວັນເກີດ ຈະມີຄົນເຂົ້າມາອຸປະຖຳເລື່ອງເງິນທອງມີໃຊ້ບໍ່ຂາດມື ຈະມີລົດມີເຮືອນໝົດໜີ້ສິນ

4 ວັນເກີດ ຈະມີຄົນເຂົ້າມາອຸປະຖຳເລື່ອງເງິນທອງມີໃຊ້ບໍ່ຂາດມື ຈະມີລົດມີເຮືອນໝົດໜີ້ສິນ + ອັນດັບ 1. ທ່ານທີ່ເກີດວັນ ອາທິດ : ຄົນເກີດວັນອາທິດ ເປັນຄົນເຈົ້າສະເຫນ່ ແຕ່ຢ້ານຈະລົງເອີຍກັບໃຜກໍບໍ່ໄດ້ງ່າຍ ຕ້ອງສຶກສາຮຽນຮູ້ກັນດົນນານພໍສົມຄວນ ບາງຄົນຄົບໄປກໍ່ເພິ່ງມາຮູ້ວ່າບໍ່ແມ່ນ …

Leave a Reply

Your email address will not be published. Required fields are marked *