ຂ່າວດ່ວນ

ປກສ ເມືອງສີໂຄດຕະບອງ ຈັບເປົ້າໝາຍຢາເສບ ຕິດ ໄດ້ 4 ຄົນ ພ້ອມຂອງກາງ 728 ເມັດ

ວັນ 25 ມັງກອນ ຜ່ານມາ, ເຈົ້າໜ້າທີ່ໜ່ວຍງານຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ເມືອງສີໂຄດຕະບອງ ນະຄອນຫຼວງວຽງຈັນ ໄດ້ຕິດຕາມຈັບເປົ້າໝາຍຊື້ຂາຍຢາເສບຕິດ ( ປະເພດຢາບ້າ) ຢູ່ເຂດບ້ານທົ່ງປົ່ງ ເມືອງສີໂຄດຕະບອງ ສາ ມາດກັກເປົ້າໝາຍ ໄດ້ 4 ຄົນ ລວມພ້ອມຂອງກາງຢາບ້າ 728 ເມັດ, ຜູ້ຖືກຫາ ທັງ4 ຄົນ ຊື່ ນາງ ດວງ ຈັນ ອາຍຸ 49 ປີ ມີຂອງກາງຢາບ້າ 24 ເມັດ, ທ້າວ ດາວວິໄລ ອາຍຸ 24 ປີ ມີຢາບ້າ 294 ເມັດ ທັງ 2 ຢູ່ບ້ານທົ່ງປົ່ງ,ນາງ ນໍ້າຝົນ ອາຍຸ 22 ປີ ບ້ານໂນນແກ້ວ ມີຢາບ້າ 2 ຖົງ ເທົ່າກັບ 400 ເມັດ ແລະ ທ້າວ ສີລາວັນ ຫຼື ແອ ອາຍຸ 30 ປີ ພ້ອມຂອງກາງ 10 ເມັດ ຢູ່ບ້ານໂນນຂີ້ເຫຼັກ ເມືອງສິີໂຄດຕະບອງ ນວ ໄປດໍາເນີນຄະດີຕາມກົດໝາຍ.

+ ຜ່ານການສອບສວນ ນາງ ດວງຈັນ ຮັບສະລະພາບວ່າ: ໃນວັນທີ 25 ມັງກອນ 2021, ໄດ້ໂທສັ່ງຊື້ຢາບ້ານຳທ້າວ ດາວວິໄລ ຈໍານວນ 24 ເມັດ ມາສົ່ງຢູ່ເຂດຄອງນໍ້າບ້ານທົ່ງປົ່ງ ເພື່ອເອົາມາໄວ້ໃຫ້ຜົວເສບໃນເວລາອອກແຮງງານ, ເມື່ອໄດ້ຢາມາແລ້ວກໍຂີ່ລົດກັບເຮືອນ ແຕ່ຖືກເຈົ້າໜ້າທີ່ ປກສ ຕິດຕາມກັກຕົວໃນລະຫວ່າງທາງ ພ້ອມຂອງກາງຢາບ້າ ຈໍານວນ 24 ເມັດ.

+ ທ້າວ ດາວວິໄລ ສາລະພາບວ່າ: ຢາບ້າຈຳນວນ 294 ເມັດ ແມ່ນໄດ້ຊື້ນຳທ້າວ ສີລາວັນ ເພື່ອໄວ້ເສບ ແລະ ຂາຍໃຫ້ກັບໄວລຸ້ນທີ່ມົ້ວສຸມເສບຢາແລະ ຜ່ານມາເຄີຍຊື້ຢາບ້າມາຂາຍ, ຊື້ຄັ້ງລະ 1-2 ຖົງ ( ຖົງລະ200 ເມັດ) ໃນແຕ່ລະຄັ້ງໄດ້ນັດສົ່ງຢາບ້າໃຫ້ກັນຢູ່ຮ້ານອິນເຕີເນັດຄາເຟ ເຂດບ້ານໂພນສະຫວາດເໜືອ ເມືອງສີໂຄດຕະບອງ. ຫຼັງຈາກໄດ້ຢາບ້າມາແລ້ວ,ຜູ້ກ່ຽວກໍເອົາໄປສົ່ງໃຫ້ນາງ ດວງ ຈັນ ແລະ ຄັ້ງລ່າສຸດ ໃນຂະນະທີ່ຂັບຂີ່ລົດກັບເຮືອນ ກໍຖືກເຈົ້າໜ້າທີ່ ປກສ ກັກຕົວ ພ້ອມຢາບ້າຈຳນວນ 294 ເມັດ.

+ ນາງ ນໍ້າຝົນ ສາລະພາບວ່າ: ໃນວັນທີ 25 ມັງ ກອນ 2021, ທ້າວ ສີລາວັນ ( ແຟນ ) ໄດ້ເອົາຢາບ້າ ຈຳນວນ 2 ຖົງ ເທົ່າກັບ 400 ເມັດ ມາໃຫ້ ເພື່ອຈະເອົາໄປສົ່ງໃຫ້ຜູ້ສັ່ງຊື້. ຫຼັງຈາກ,ຂີ່ລົດໄປສົ່ງຢາບ້າ ແຕ່ຍັງບໍ່ຮອດຈຸດນັດໝາຍ ກໍຖືກເຈົ້າໜ້າທີ່ປກສ ຈັບຕົວພ້ອມຂອງກາງ ຈຳນວນດັ່ງກ່າວ ໄປດຳເນີນຄະດີ.

+ ທ້າວ ສີລາວັນ ຮັບສາລະພາບວ່າ: ໄດ້ເສບຢາມາແຕ່ປີ 2019, ເສບມື້ລະ 3-5 ເມັດ,ມາ ຮອດປີ 2020 ກໍເລີ່ມພົວພັນຊື້ຢາບ້າມາຂາຍ,ໂດຍໄດ້ຕິດຕໍ່ພົວພັນສັ່ງຊື້ຢາບ້ານໍາຊາຍຄົນໜຶ່ງ ທີ່ບໍ່ຮູ້ຊື່ ແລະ ບໍ່ຮູ້ບ້ານຢູ່,ເຊິ່ງໃນແຕ່ລະຄັ້ງໄດ້ ນັດສົ່ງຢາໃຫ້ກັນຢູ່ຮ້ານອິນເຕີເນັດຄາເຟ,ມາຮອດວັນທີ 25 ມັງກອນ 2021 ທ້າວ ດາວວິໄລ ໄດ້ໂທສັ່ງຊື້ຢາບ້ານໍາ ຈໍານວນ 2 ຖົງ, ຕົນຈຶ່ງບອກໃຫ້ ນາງ ນໍ້າຝົນ ( ແຟນສາວ ) ເອົາຢາໄປສົ່ງໃຫ້ຕາມຈຸດນັດ ພໍຮອດເວລາປະມານ 14:00ໂມງ ຂອງວັນດຽວກັນ, ເຈົ້າໜ້າທີ່ກໍໄດ້ເຂົ້າກັກຕົວ ຢູ່ເຮືອນຂອງຕົນ ພ້ອມຂອງກາງຢາບ້າ 10 ເມັດ.

ປັດຈຸບັນຄະດີດັ່ງກ່າວ ພວມຢູ່ໃນຂັ້ນຕອນຂອງການສອບສວນ ຂອງເຈົ້າໜ້າທີ່ໜ່ວຍງານຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ເມືອງສີໂຄດຕະບອງ ເພື່ອຂະຫຍາຍຜົນ ຕິດຕາມຈັບຜູ້ທີ່ຮ່ວມກັນຊື້ຂາຍຢາບ້າ ມາດຳເນີນຄະດີ, ພ້ອມຈະໄດ້ສະຫຼຸບສໍານວນສໍາເນົຄະດີ ສົ່ງໃຫ້ໄອຍະການ ປະຊາຊົນເຂດI ນະຄອນຫຼວງວຽງຈັນ ສືບຕໍ່ສັ່ງຟ້ອງສານຕັດສິນຕາມຂະບວນການຂອງກົດໝາຍ.

ກ່ຽວກັບ admin

ກວດສອບຍັງ

ເກີດເຫດທີ່ທາງດ່ວນອີກແລ້ວ ( ມີຄລີບ )​

🔥ດ່ວນສົດໆຮ້ອນໆ🔥ເກີດອຸບັດຕິເຫດ ຢູ່ທາງດ່ວນວຽງຈັນ-ວັງວຽງ ຈຸດເກີດເຫດບ້ານບົວ ໃນມື້ນີ້ ເວລາ 14:40 ວັນທີ 28/2/2021 ສ່ວນລາຍລະອຽດຈະແຈ້ງໃຫ້ຊາບອີກບາດ #ປະຈຸບັນໜ່ວຍກູ້ໄພກຳລັງໄປຮອດສະຖານທີ່ເກີດເຫດ❗ ຊົມ​ຄລີບ Post Views: 228

Leave a Reply

Your email address will not be published. Required fields are marked *