ຂ່າວດ່ວນ

ເທດສະການອາຫານລາວ ປີ 2021 ໃນວັນທີ 23-27 ກຸມພາ ໂດຍຈະມີ 120 ຮ້ານຄ້າເຂົ້າຮ່ວມ

ສະມາຄົມນັກທຸລະກິດຍິງ ຮ່ວມກັບ ສູນກາງສະຫະພັນແມ່ຍິງລາວ ຖະແຫຼງຂ່າວກຽມຈັດງານ ເທດສະການອາຫານລາວ 2021 ຂຶ້ນ ພາຍໃຕ້ຄຳຂວັນ “ກິນ, ຢູ່, ຮຽນຮູ້ວິຖີລາວ”  ໂດຍຈະມີ ມີ ຫຼາຍກວ່າ120 ຮ້ານເຂົ້າຮ່ວມວາງສະແດງ.ພິທີຖະແຫຼງຂ່າວໄດ້ຈັດຂຶ້ນໃນວັນທີ 5 ກຸມພາ 2021 ທີ່ຮ້ານອາຫານ ເລີປາແດກ ນະຄອນຫຼວງວຽງຈັນ ເຂົ້າຮ່ວມຂອງ ທ່ານນາງ ຈັນທະຈອນ ວົງໄຊ ປະທານສະມາຄົມນັກທຸລະກິດຍິງ, ທ່ານ ນາງ ບົວຈັນ ສີຫານາດ ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ

ພ້ອມດ້ວຍຫົວໜ່ວຍທຸລະກິດເຂົ້າຮ່ວມ.ທ່ານນາງ ຈັນທະຈອນ ວົງໄຊ ກ່າວວ່າ : ເພື່ອເປັນການບົ່ງບອກໃຫ້ມວນຊົນລາວໃນປັດຈຸບັນໄດ້ເຫັນ ພາບການຄ້າຂາຍແລກປ່ຽນສິນຄ້າກ່ຽວກັບອາຫານລາວເຊິ່ງກັນແລະກັນແບບລາວໆ ຂອງສະໄໝກ່ອນ, ໃນປີ 2021 ນີ້  ພວກເຮົາຈິ່ງຈັດງານເທດສະການອາຫານຂຶ້ນພາຍໃຕ້ຄໍາຂວັນ: “ກິນ, ຢູ່,

ຮຽນຮູ້ວິຖີລາວ ”  ເພື່ອສ້າງໃຫ້ຮູ້ເຖິງ ແນວຄວາມຄິດ ແລະ ບັນຍາກາດອັນໃໝ່ໃນການອະນຸລັກ ອາຫານ, ການກິນຢູ່, ດໍາລົງຊີວິດໃຫ້ເປັນແບບວັດທະນະທໍາ, ຮີດຄອງ ປະເພນີດັ້ງເດີມ ແລະ ປັບໃຫ້ເຂົ້າກັບຍຸກສະໄໝຂອງຄົນລາວພວກເຮົາ, ເພື່ອເສີມສ້າງໃຫ້ເປັນບັນຍາກາດແບບສັງຄົມພື້ນເມືອງລາວ ທີ່ເຄີຍມີມາ. ສືບຕໍ່ຊຸກຍູ້, ສົ່ງເສີມແມ່

ຍິງຜູ້ຜະລິດ, ຜູ້ປູກຝັງ, ລ້ຽງສັດ ທີປຸງແຕ່ງໃນຮ້ານອາຫານ,ໂຮງແຮມ,ຮ້ານຂາຍຍ່ອຍ ຈາກທ້ອງຖິ່ນຕ່າງໆ ແລະ ຈາກນະຄອນຫລວງວຽງຈັນໄດ້ມາວາງສະແດງ ແລະ ຄ້າຂາຍແລກປ່ຽນນໍາກັນ.ພ້ອມທັງປຸກລະດົມເຊີນຊວນຜູ້ປະກອບການແມ່ຍິງ ໃນການຜະລິດເປັນສິນຄ້າ ໃຫ້ສາມາດສ້າງເຄືອຂ່າຍການຄ້າຢ່າງກວ້າງຂວາງໃນຂອບເຂດທົ່ວ

ປະເທດ ແລະພາກພື້ນ, ເພື່ອສົ່ງເສີມນະໂຍບາຍ ລາວທ່ຽວລາວ ແລະ ເພື່ອສາມາດຕອບສະໜອງສິນຄ້າຢ່າງພຽງພໍໃຫ້ແກ່ຜູ້ມາທ່ຽວຊົມໄດ້ຈັບຈ່າຍຊື້ຂາຍຢ່າງສະດວກສະບາຍ. ເທດສະການອາຫານລາວ ປີ2021 ຈະຈັດຂຶ້ນວັນທີ 23 – 27 ກຸມພາ 2021 ທີ່ສວນເຈົ້າອະນຸວົງ (ແຄມຂອງ)ໂດຍຈະມີ 120 ຮ້ານເຂົ້າຮ່ວມ; ໃນນັ້ນ ມີຮ້ານຈາກບັນດາ

ສະຖານທູດ 9 ປະເທດເຊັ່ນ: (ສະຖານທູດ ຫວຽດນາມ, ກໍາປູເຈຍ, ອິນໂດເນເຊຍ, ມາເລເຊຍ, ມຽນມາ, ຟີລິບປິນ, ໄທ, ສິງກະໂປ ແລະ ບູໄນ). ທ່ານ ນາງ ບົວຈັນ ສີຫານາດ ກ່າວວ່າ :ກິດຈະກຳເທດສະການອາຫານລາວ ເປັນໜຶ່ງໃນກິດຈະກຳທີ່ສຳຄັນສຳລັບນັກທຸລະກິດແມ່ຍິງໄດ້ເຫັນຄວາມສຳຄັນສຳລັບການດຳເນີນ

ກິດຈະກຳຮ່ວມກັນເຊິ່ງວຽກງານດັ່ງກ່າວນີ້ໄດ້ເລິ່ມມາແຕ່ປີ 2006 ຈົນມາເຖິງປັດຈຸບັນ. ຍ້ອນສະພາບການໃນທົ່ວໂລກໄດ້ຮັບຜົນກະທົບຈາກພະຍາດໂຄວິດ-19, ໃນປີນີ້ພວກເຮົາຈຶ່ງໄດ້ມີຄຳຂວັນທີ່ວ່າ“ກິນ, ຢູ່, ຮຽນຮູ້ວິຖີລາວ ”   ທີ່ອັນສຳຄັນກໍ່ແມ່ນການສົ່ງເສີມການລາວທ່ຽວລາວ ແລະ ໃນນັ້ນປີນີ້ກໍແມ່ນປີພິເສດທີ່ມີຕົວແທນສະຖານທູດຂອງບັນດາປະເທດສະມາຊິກອາຊຽນເຂົ້າຮ່ວມໃນການວາງສະແດງ ແລະ ກໍເປັນຂະບວນການສະເຫຼີມສະຫຼອງວັນທີ 8 ມີນາ ວັນແມ່ຍິງສາກົນທີ່ໃກ້ຈະມາເຖິງນີ້.

ກ່ຽວກັບ admin

ກວດສອບຍັງ

ຊົມຄລິບ!!! ແກ້ງ ໂ ຈ ນ ປີີນເຂົ້າ ລັ ກ ແປັບຊີ ເສຍຈຳນວນຫຼາຍ

ຊົມຄລິບ!!! ແກ້ງໂຈນປີນເຂົ້າລັກ ແປັບຊີ ເສຍຈຳນວນຫຼາຍ ເມື່ອວັນທີ 26.2.2021 ຜູ້ໃຊ້ເຟສບຸກຊື່: ອານຸລັກ ປ້າຍ ໄດ້ໂພສວິດີໂອທີ່ມີ ກຸ່ມແກ້ງໄວລຸ່ນແກ້ງໜຶ່ງໄດ້ທີ່ປີນເຂົ້າໄປລັກເປບຊີ ເສຍຈຳນວນຫຼວງຫຼາຍ ສ່ວນລາຍລະອຽດເພີ່ມເຕີມແມ່ນຍັງບໍ່ທັນມີເດີ ຄຣີບ Post …

Leave a Reply

Your email address will not be published. Required fields are marked *