ຂ່າວດ່ວນ

ຈີນເດີນໜ້າແຈກຢາຍວັກຊີນໂຄວິດ ໃຫ້ 50 ກວ່າປະເທດກຳລັງພັດທະນາ

ທ່ານ ວັງ​ເຫ​ວິນ​ປິນ ​ໂຄສົກ​ກະຊວງ​ການ​ຕ່າງປະ​ເທດ​ຂອງ​ຈີນ ​ເປີດ​ເຜີຍ​ວ່າ: ຈີນ​ຈະ​ເດີນ​ໜ້າ​ຈັດ​ສົ່ງ​ວັກ​ຊີ​ນປ້ອງ​ກັນ​ພະຍາດ​ຕິດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ (​ໂຄ​ວິດ-19) ​ໃຫ້​ປະ​ເທດ​ອື່ນໆ ​ໂດຍ​ສະ​ເພາະ​ປະ​ເທດ​ກຳລັງ​ພັດທະນາ ຕາມ​ຂີດ​ຄວາມ​ສາມາດ​ທີ່​ມີ​ຢ່າງ​ທ່ວງທັນ ​ເພື່ອ​ຊ່ວຍ​ສ້າງ​ຊຸມ​ຊົນ​ແຫ່ງ​ສຸຂະພາບ.ທ່ານ ວັງ​ເຫ​ວິນ​ປິນ ປະກາດ​ວ່າ: ຈີນ​ໄດ້​

ບໍລິຈາກ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ​ໃຫ້​ປາ​ກິດ​ສະຖານ​ເມື່ອ​ວັນ​ທີ 1 ກຸມພາ ​ເຊິ່ງຖື​ເປັນ​ການ​ສົ່ງ​ມອບ​ວັກ​ຊີ​ນຊ່ວຍ​ເຫລືອ​ປະ​ເທດ​ອື່ນໆ​ຄັ້ງທຳ​ອິດ​ຂອງ​ຈີນ ພ້ອມ​ເນັ້ນຄວາມ​ມຸ້ງ​ໝັ້ນ​ເຮັດ​ໃຫ້​ວັກ​ຊີ​ນ​ເປັນ​ສິນຄ້າ​ສາທາລະນະ​ໂລກ​ທັນທີ​ທີ່​ພັດທະນາ​ສຳ​ເລັດ ​ແລະ ຖືກ​ນຳ​ໄປ​ໃຊ້ ​ໂດຍ​ຈີນ​ຈະ​ມີ​ສ່ວນ​ຊ່ວຍ​ປະ​ເທດ​ກຳລັງ​ພັດທະນາ​ເຂົ້າ​ເຖິງ ​ແລະ ມີ​ກຳລັງ​ຊື້

ວັກ​ຊີ​ນ.ນອກຈາກ​ປາ​ກິດ​ສະຖານ​ແລ້ວ ຈີນ​ຍັງ​ໃຫ້ການ​ຊ່ວຍ​ເຫລືອ​ດ້ານ​ວັກ​ຊີ​ນ​ແກ່ 13 ປະ​ເທດ​ກຳລັງ​ພັດທະນາ ​ໄດ້​ແກ່ ບຣູ​ໄນ, ​ເນ​ປານ, ຟີ​ລິບ​ປິນ, ມຽນມາ, ກຳປູ​ເຈຍ, ລາວ, ສີ​ລັງກາ, ມອງ​ໂກ​ເລຍ, ປາ​​ເລັສ​ຕິນ, ​ເບ​ລາຣຸສ, ​ເຊຍຣາລິ​ໂອນ, ຊິ​ມບຳ​ເວ ​ແລະ ອິ​ເຄວທໍ​ເຣຍກິ​ນີ. ຂະນະ​ອີກ 38 ປະ​ເທດ​ກຳລັງ​ພັດທະນາ​ຈະ​ໄດ້​ຮັບ​ການ​ຊ່ວຍ

ເຫລືອ​ດ້ານ​ວັກ​ຊີ​ນຂອງ​ຈີນ​ໃນ​ໄລຍະ​ຕໍ່​ໄປ.ນອກຈາກ​ນີ້, ຈີນ​ຍັງ​ສະໜັບສະໜູນ​ບໍລິສັດ​ທີ່​ກ່ຽວຂ້ອງ​ກັບ​ການ​ສົ່ງ​ອອກ​ວັກ​ຊີ​ນ​ໄປ​ປະ​ເທດ​ທີ່​​ຈຳ​ເປັນ​ຕ້ອງ​ໃຊ້​ຮີບ​ດ່ວນ, ປະ​ເທດ​ທີ່​ຍອມຮັບ​ວັກ​ຊີ​ນຂອງ​ຈີນ ​ແລະ ປະ​ເທດ​ທີ່​ອະນຸຍາດ​ໃຫ້​ນຳ​ໃຊ້​ວັກ​ຊີ​ນ​ຂອງ​ຈີນ​ໃນ​ກໍລະນີ​ສຸກ​ເສີນ ​ໂດຍ​ຈີນ​ຄາດ​ຫວັງ​ປະຊາ​ຄົມ​ສາກົນ​ຮ່ວມ​ມື​ກັນ​ສົ່ງ​ເສີມ​ການ​ແຈກ​ຢາຍ ​ແລະ ​ນຳ​ໃຊ້​ວັກ​ຊີ​ນຢ່າງ​ເທົ່າ​ທຽມ ລວມທັງ​ຮັບປະກັນ​ວ່າ​ປະ​ເທດ​ກຳລັງ​ພັດທະນາ​ຈະ​ມີ​ວັກ​ຊີ​ນພ້ອມ​ນຳ​ໃຊ້​ໃນ​ລາຄາ​ຈັບ​ບາຍ​ໄດ້.

ກ່ຽວກັບ admin

ກວດສອບຍັງ

ແຜ່ນນ້ຳກ້ອນຢູ່ພູຫິມະໄລແຕກ ສົ່ງຜົນນ້ຳຖ້ວມກະທັນຫັນ ເສຍຊີວິດແລ້ວ 14 ຄົນ, ສູນຫາຍເກີນ 170 ຄົນ

ທາງ​ການ​ອິນ​ເດຍລາຍ​ງານ​ວ່າ: ມີ​ຜູ້​ເສຍ​ຊີວິດ​ແລ້ວ​ຢ່າງ​ໜ້ອຍ 14 ຄົນ ​ແລະ ສູນຫາຍ​ອີກ 170 ຄົນ ຫລັງ​ເກີດ​ເຫດ​ແຜ່ນ​ນ້ຳກ້ອນ​ຂະໜາດ​ໃຫຍ່​ຢູ່​ຍອດພູ​ນັນທາ​ເທວີ​ໃນ​ພູ​​ເຂົາ​ຫິມະ​ໄລ ລັດ​ອຸດຕຣາຂັນ ​ແຕກ​ອອກ​ບາງ​ສ່ວນ ​ແລະ ຖະຫລົ່ມ​ລົງ​ໃສ່​ແມ່ນ້ຳຈົນ​ກໍ່​ໃຫ້​ເກີດ​ນ້ຳຖ້ວມ​ກະທັນຫັນ​ໄຫລ​ລົງ​ມາ​ຈາກ​​ເທິງ​ພູ​ຢ່າງ​ວ່ອງ​ໄວ ​​ໃນຕອນ​ເຊົ້າວັນ​ທີ 7 …

Leave a Reply

Your email address will not be published. Required fields are marked *