ຂ່າວດ່ວນ

ຮູ້ແລ້ວຫຼືຍັງ…!!! “ການຢູ່ໄຟຫຼັງເກີດລູກ” ຊ່ວຍຟື້ນຮ່າງກາຍຫຍັງແດ່? ມື້ນີ້ພວກເຮົາມີຄຳຕອບມາໃຫ້ທ່ານ.

ການຢູ່ໄຟຫຼັງເກີດລູກສຳຫຼັບແມ່ນທີ່ຫາກະເກີດລູກນັ້ນ ຄືການເບີ່ງແຍງສຸຂະພາບອີກຮູບແບບໜື່ງທີ່ມີມາແຕ່ຍາວນານ ເຊີ່ງການຢູ່ໄຟຈະມີປະໂຫຍດກັບສຸຂະພາບຮ່າງກາຍຂອງແມ່ຫຼັງເກີດລູກ ຫຼື ບໍ່ແນວໃດນັ້ນ ເຮົາມີຂໍ້ມູນດີໆມາຝາກ.

– ການຢູ່ໄຟຫຼັງເກີດລູກເປັນແນວໃດ?ຢູ່ໄຟຫຼັງເກີດລູກ ເປັນວິຖີການເບີ່ງແຍງສຸຂະພາບແມ່ຫຼັງເກີດລູກສະໄຫມກ່ອນ ເພື່ອໃຫ້ຮ່າງກາຍຟື້ນຈາກຄວາມເມື່ອຍລ້າ ແລ້ວກັບຄືນສະພາບປົກກະຕິໂດຍໄວ, ເຊີ່ງຈະໃຊ້ຄວາມຮ້ອນເຂົ້າຊ່ວຍໃນການຟື້ນຟູສຸຂະພາບຮ່າງກາຍ, ຊ່ວຍໃຫ້ກ້ານຊີ້ນເສັ້ນເອັນບໍລິເວນຫຼັງ ແລະ ຂາ ທີ່ເກີດຈາກການກົດທັບໃນຊ່ວງເວລາຖືພາໄດ້ຄາຍໂຕ ແລະ ຫຼຸດອາການເຈັບປວດເມື່ອຍກ້າມຊີ້ນໄດ້.

– ໃນສະໄຫມກ່ອນ ການຢູ່ໄຟຫຼັງເກີດລູກ ຈະຕ້ອງຢູ່ໃນເຮືອນໄຟທີ່ສ້າງເປັນຫ້ອງນ້ອຍໆ ຂື້ນມາໂດຍສະເພາະແມ່ຈະຕ້ອງເຂົ້າໄປນອນຂາງໄຟອ່ອນ ພ້ອມກັບລູກທີ່ຈະນອນຢູ່ກະດົ້ງ ໂດຍແມ່ຈະຕ້ອງນອນເທີງຕຽງໄມ້ທຸກໆມື້ ແລະ ຫ້າມອາບນຳ້ເຢັນ, ຕ້ອງດື່ມນຳ້ອຸ່ນ, ງົດອາຫານທີ່ເຮັດໃຫ້ຜິດກຳ ( ຫ້າມດື່ມນຳ້ເຢັນ ຫຼື ກີນອາຫານເຢັນເດັດຂາດ)

– ກີນເຂົ້າກັບເກືອ ຫຼື ປາເຄັມ ເຊີ່ງການຢູ່ໄຟຫຼັງເກີດລູກຂອງຄົນສະໄຫມນັ້ນ ແມ່ຈະຕ້ອງຢູ່ໃນເຮືອນໄຟປະມານ 7-15 ມື້ ເຊີ່ງໃນລະຫວ່າງຢູ່ໄຟຫ້າມອອກຈາກເຮືອນໄຟ ເພາະເຊື່ອວ່າຈະເຮັດໃຫ້ອຸ່ນຫະພູມໃນຮ່າງກາຍປັບໂຕບໍ່ທັນ ແລ້ວຈະສົ່ງຜົນໃຫ້ເກີດອາການເຈັບປ່ວຍຂື້ນໄດ້ ( ກ່ອນຈະຢູ່ໄຟໄດ້ຄວນໃຫ້ໄໝຍິບຂາດຫຼຸດອອກກ່ອນ 5-7 ມື້ສຳຫຼັບແມ່ເກີດແບບທຳມະຊາດ ແຕ່ຖ້າຫາກແມ່ທີ່ຜ່າຕັດຊ່ວຍເກີດບໍ່ຄວນຢູ່ໄຟຈະດີກວ່າ).

* ປະໂຫຍດຂອງການຢູ່ໄຟຫຼັງເກີດລູກ: ການພັກຟື້ນຮ່າງກາຍຫຼັງເກີດລູກດ້ວຍການຢູ່ໄຟ ຖືວ່າເປັນການເບີ່ງແຍງດູແລສຸຂະພາບທີ່ມີມາແຕ່ດົນນານ ແລະ ປະຈຸບັນນີ້ກໍ່ຍັງຄົງມີຢູ່ ແຕ່ຮູບແບບການຢູ່ໄຟອາດຖືກປັບປ່ຽນໃຫ້ງ່າຍຕໍ່ແມ່ຫຼັງເກີດລູກສະໄຫມໃຫມ່ຫຼາຍຂື້ນ ເຊີ່ງປະໂຫຍດຂອງການຢູ່ໄຟຫຼັງເກີດລູກທີ່ມີຄວາມເຊື້ອວ່າຈະຊ່ວຍຟື້ນຟູຮ່າງການຫຼັງເກີດໄດ້ໃນຫຼາຍໆດ້ານເຊັ່ນ:

– ຊ່ວຍກະຕຸ້ນການໄຫຼວຽນຂອງເລືອດພາຍໃນຮ່າງກາຍໄດ້ດີ

– ຊ່ວຍຫຼຸດພາວະຄວາມຮູ້ສືກໜາວພາຍໃນຮ່າງກາຍ ທີ່ບາງຄົນພຽງແຕ່ຝົນຕົກກໍ່ໜາວເຂົ້າກະດູກແລ້ວ.

– ຊ່ວຍຫຼຸດອາການອ່ອນເພຍຈາກການເສຍເລືອດໃນຊ່ວງເກີດລູກ

– ຊ່ວຍຫຼຸດການປວດເມື່ອຍຕາມຂໍ້ຕ່າງໆຂອງຮ່າງກາຍ

– ຊ່ວຍໃຫ້ຜີວພັນຜ່ອງໃສ, ສຸຂະພາບດີ

– ຊ່ວຍໃຫ້ຮ່າງກາຍແຂງແຮງມີພູມຕ້ານທານພະຍາດຕ່າງໆໄດ້.

– ຊ່ວຍປັບສົມດຸນຮ່າງກາຍໃຫ້ເຂົ້າທີ່ເປັນປົກກະຕິໄດ້

– ຊ່ວຍໃຫ້ໜ້າທ້ອງຍຸບໄວ

– ຊ່ວຍຫຼຸດຄວາມເຈັບປວດຂະນະມົດລູກຮັດໂຕເຂົ້າສູ່ພາວະປົກກະຕິ ຫຼື ທີ່ເອີ້ນກັນວ່າມົດລູກເຂົ້າອູ່

ກ່ຽວກັບ admin

ກວດສອບຍັງ

ຢາດີຊ່ວຍບອກຕໍ່…!!! ຕົ້ນຜັກຈຳ ເປັນຢາແກ້ພິດ, ປົວໂລກໜອງໃນ, ລົງຂາວ ແລະ ພະຍາດ​ຍິງ

ລັກສະນະພືດສາດ: ເປັນໄມ້ຢືນຕົ້ນ, ສູງ 2-3 ມ, ເປັນໄມ້ເນື້ອແຂງ, ມີຂໍ້, ພາກສ່ວນອ່ອນເປັນສີຂຽວ, ພາກສ່ວນແກ່ເປັນສີເທົາ ຫຼື ສີນ້ຳຕານ, ຜິວກ້ຽງ. ໃບດ່ຽວ ອອກຮຽງກົງກັນຂ້າມສອງແຜ່ນພຽງຕັ້ງສາກສະຫຼັບກັນ, ຮູບໄຂ່, …

Leave a Reply

Your email address will not be published. Required fields are marked *