ຂ່າວດ່ວນ

ຍ້ອນຢ້ານຖືກກັກໂຕ 14ວັນ ແຮງງານລາວຈື່ງລັກລອບຂ້າມມາໂດຍບໍ່ຜ່ານດ່ານຕ່າງໆ

ທ່ານທອງດີ ຈັນທະວົງ ເຈົ້າເມືອງນະຄອນເພັງ ແຂວງສາລະວັນ ໄດ້ກ່າວເມື່ອບໍ່ດົນມານີ້ວ່າ: ພາຍຫຼັງທີ່ມີການແຜ່ລະບາດຮອບໃໝ່ຂອງພະຍາດໂຄວິດ-19 ຢູ່ປະເທດໄທໂດຍໄດ້ມີຜູ້ຕິດເຊື້ອພະຍາດດັ່ງກ່າວເປັນຈໍານວນຫຼາຍໃນແຕ່ລະວັນນັ້ນ ໄດ້ເຮັດໃຫ້ຄົນລາວທີ່ໄປອອກແຮງງານຢູ່ປະເທດໄທພາກັນລັກລອບຂ້າມແມ່ນໍ້າຂອງເຂົ້າມາເມືອງນະຄອນເພັງ ແຂວງສາລະວັນ ແຕ່ຖືກເຈົ້າໜ້າທີ່ສາມາດພົບເຫັນ ແລະ ໄດ້ ນໍາຕົວໄປໄວ້ທີ່ສູນຈໍາກັດບໍລິເວນທັງໝົດ,

ເມື່ອສອບຖາມເຂົາເຈົ້າພົບວ່າສາເຫດທີ່ພວກເຂົາລັກລອບກັບຄືນມາປະເທດແບບຜິດກົດໝາຍນັ້ນຍ້ອນວ່າພວກເຂົາບໍ່ຢາກຖືກນຳຕົວໄປຈຳກັດບໍລິເວນຢູ່ສູນ ແລະ ສ່ວນໜຶ່ງ ແມ່ນໄດ້ຂ້າມໄປເຮັດວຽກແບບຜິດກົດໝາຍ.

ທ່ານທອງດີໄດ້ກ່າວຕື່ມວ່າ: ສະເພາະເມືອງນະຄອນເພັງມີຊາຍແດນຕິດກັບປະເທດ ໄທປະມານ 74 ກິໂລແມັດ ຊຶ່ງມີແມ່ນໍ້າຂອງເປັນຕົວກັ້ນ ໂດຍມີ 12 ບ້ານທີ່ຕັ້ງຢູ່ແຄມຂອງ ຊຶ່ງເປັນສິ່ງທ້າທາຍໃນການປ້ອງກັນການລັກລອບ ດັ່ງກ່າວ ແຕ່ຜ່ານມາສາມາດເວົ້າໄດ້ວ່າເມືອງນະຄອນເພັງສາມາດປ້ອງກັນຜູ້ໄປອອກແຮງງານ ດັ່ງກ່າວບໍ່ ໃຫ້ເລັດລອດສາຍ ຕາເຈົ້າໜ້າທີ່ໄດ້ 100% ເພາະມີການລາດຕະເວນ ຫຼື ເວນຍາມຕະຫຼອດ 24 ຊົ່ວໂມງ ໂດຍມີກໍາລັງທະຫານຊາຍແດນ 512 ຮ່ວມກັບ ກໍາລັງ ປກສ, ປກຊ ແຕ່ລະບ້ານໃນການສະກັດກັ້ນການລັກລອບດັ່ງກ່າວ, ນອກນັ້ນຍັງໃຊ້ມາດຕະການໃຫ້ປະຊາຊົນເອົາເຮືອຂອງຕົນຂຶ້ນມາໄວ້ເຮືອນໂດຍບໍ່ໃຫ້ມີການນໍາໃຊ້ ທັງນີ້ກໍ່ເປັນມາດຕະການໜຶ່ງເພື່ອບໍ່ໃຫ້ພີ່ນ້ອງຂອງ ພວກເຂົາ ລັກເອົາເຮືອຂ້າມໄປຮັບເອົາ ທີ່ເບີື້ອງຝັ່ງໄທ.

ກ່ຽວກັບ admin

ກວດສອບຍັງ

R.I.P ຮັກແລະເຄົາລົບສະເໝີ ອາ​ໄລ ອາ​ຈານ ​ຕ​ຸ໊ຍ ຈາກ​ພວກ​ເຮົາ​ໄປ​ແລ້ວ​ເດີ້ ​ລູກ​ສິດ ມ.ປ ສີ​ສັດ​ຕະ​ນາກ

​ແຫ່​ອາ​ໄລ​ດ້ວຍ​ຄວາມ​ໂສກ​ເວົ້າ​ກັບ​ການ​ຈາກ​ໄປ​ຂອງ ແມ່​ພີມ​ຂອງ​ຊາດ​ອີກ​ໜຶ່ງ​ທ່ານ ໂດຍ​ສະ​ເພາະ​ສິດ​ທີ່​ເຄີຍ​ຮຽ​ນ​ນຳ​ອາ​ຈານ​ທ່ານ​ນີ້ ອາ​ຈານ ຕຸ໊ຍ ພອນສະໝຸດ ສອນນະລາດ ທີ່​ເພິ່ນ​ສອນ ເລກ, ຄະ​ນິດ​ສາດ ລວມ​ທັງ​ສອນ​ກິ​ລາ​ບາ​ສ​ໃຫ້​ກັບຫຼາຍໆ​ຄົນ ທີ່​ເຕີບ​ໃຫຍ່ ແລະ ເປັນ​ທີມ​ຊາດ​ກໍ​ມີ ເພິ່ນ​ສອນ​ຢູ່ …

Leave a Reply

Your email address will not be published. Required fields are marked *