Breaking News

ລົງສໍາຫຼວດເບິ່ງສິມນໍ້າບາດ ທີ່ມີອາຍຸຫຼາຍກວ່າ 200 ປີພີ່ນ້ອງເອີຍ

ໃນຕອນເຊົ້າວັນທີ 30 ມັງກອນ 2021 ຜ່ານມານີ້ ທ່ານ ປອ ຄໍາເຜີຍ ຜັນທະຈອນ ປະທານສະພາປະຊາຊົນແຂວງ ສະຫວັນນະເຂດ, ທ່ານ ນາງ ດາວວອນ ໄຊສຸລຽນ ກໍາມະການພັກແຂວງ ຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງ, ມີທ່ານປະທານສະຫະພັນແມ່ຍິງແຂວງ, ເລຂາຄະນະບໍລິຫານງານຊາວໜຸ່ມແຂວງ, ພະແນກການອ້ອມຂ້າງແຂວງ ພ້ອມດ້ວຍຄະນະ ແລະ ທ່ານ ຄໍາຜຸຍ ສີບຸນເຮືອງ ກໍາມະການພັກແຂວງ ເລຂາພັກເມືອງ ເຈົ້າເມືອງໆ ວິລະບູລີ ພ້ອມຄະນະ, ມີພຣະເຖຣະ ນຸເຖຣະ ໄດ້ລົງສໍາຫຼວດເບິ່ງຮ່ອງຮອຍສິມນໍ້າບາດທີ່ເກົ່າແກ່ ຄາດວ່າມີອາຍຸຫຼາຍກວ່າ 200 ປີ ຢູ່ທີ່ບ້ານ ໃໝ່ ທີ່ຂຶ້ນກັບກຸ່ມບ້ານທີ 5 ຂອງເມືອງ ວິລະບູລີ

ເຊິ່ງວ່າສິມດັ່ງກ່າວແມ່ນໄດ້ມີການຜຸພັງເຈື່ອນເສຍຫາຍຕາມການເວລາຫຼາຍແລ້ວ ບວກກັບປະຊາຊົນໄດ້ເບີກເນື້ອທີ່ທໍາການຜະລິດເຂົ້າມາໃກ້ພໍສົມຄວນ, ເມື່ອເຫັນໄດ້ຄືແນວນັ້ນທາງພາກສ່ວນທີ່ກ່ຽວຂ້ອງຂອງແຂວງ ແລະ ຂອງເມືອງ ກໍ່ໄດ້ເຫັນດີເປັນເອກະພາບກັນວາງແຜນ ເພື່ອຈະໄດ້ມີການອະນຸລັກປົກປັກຮັກສາ ບໍລິເວນທີ່ຕັ້ງຂອງສິມນໍ້າບາດນີ້ໄວ້ໃນອະນາຄົດ ເພື່ອໄວ້ໃຫ້ຄົນຮຸ່ນຫຼັງໄດ້ເຫັນ ແລະ ເປັນທີ່ສັກກາລະບູຊາຂອງຊາວພຸດທັງຫຼາຍ ແລະ ໃຫ້ກາຍເປັນແຫຼ່ງທ່ອງທ່ຽວທາງດ້ານວັດທະນະທໍາທີ່ສໍາຄັນຂອງເມືອງ ສາມາດດຶງດູດເອົານັກທ່ຽວເຂົ້າມາທ່ອງທ່ຽວເມືອງວິລະບູລີໃຫ້ຫຼາຍຂຶ້ນ,

ໃນໂອກາດກໍ່ໄດ້ມອບເງິນຈໍານວນ 5 ລ້ານກວ່າກີບ ( ທີ່ໄດ້ຈາກການບໍລິຈາກຂອງຄະນະທີມງານທີ່ໄປຮ່ວມ ແລະ ອອກຕົນຍາດໂຍມທາງແຂວງສະຫວັນນະເຂດ)​ໃຫ້ແກ່ອໍານາດການປົກຄອງບ້ານໃໝ່ ເພື່ອນໍາໃຊ້ເຂົ້າການບຸກເບີກບໍລິເວນທີ່ຕັ້ງຂອງສິມນໍ້າບາດໃຫ້ມີຄວາມສະອາດງາມຕາ ແລະ ໃນເວລາຕໍ່ມາທ່ານ ປະທານສະພາປະຊາຊົນແຂວງ ພ້ອມດ້ວຍຄະນະກໍ່ໄດ້ເດີນທາງໄປທີ່ບ້ານ ໂພນຄໍາ ຈຸດສຸມເມືອງວັງ ຂອງເມືອງວິລະບູລີ ເພື່ອຊຸກຍູ້ຕິດຕາມເບິ່ງສະພາບການພັດທະນາພື້ນຖານໂຄງລ່າງ ເສດຖະກິດ – ສັງຄົມຂອງເຂດພັດທະນາຮອບດ້ານ ບ້ານໂພນຄໍາ ເຊິ່ງເປັນເຂດແດນເຊື່ອມຕໍ່ກັບເມືອງ ໄຊບົວທອງ ຂອງແຂວງ ຄໍາມ່ວນ.

ເຊິ່ງມາຮອດປະຈຸບັນນີ້ກໍ່ເຫັນໄດ້ວ່າມີຫຼາຍດ້ານໄດ້ຮັບການພັດທະນາ ເປັນຕົ້ນແມ່ນໄດ້ສໍາເລັດການກໍ່ສ້າງ ແລະ ສ້ອມແປງຖະໜົນຫົນທາງເຂົ້າຫາບ້ານ, ປະຈຸບັນແມ່ນພວມເລັ່ງໃສ່ໃນການຕັດຕາຜ້າທີ່ຈະຕັ້ງຫ້ອງການກຸ່ມກໍ່ສ້າງຮາກຖານ, ສຸກສາລາ, ໂຮງຮຽນ, ຕະຫຼາດ, ເຂດຜະລິດກະສິກໍາ, ເຂດເຮືອນປະຊາຊົນ ແລະ ອື່ນໆ ຄາດວ່າຈະໃຫ້ສໍາເລັດໃນໄວໆນີ້.

About admin

Check Also

ດວງສຸດເຮັງ ແຕກອີກລະເດິ້ ເລກ​ 4 ໂຕ​ 400,000,000​ກິບ

ເລກ6ໂຕ ແຕກອີກແລ້ວ ລົງທືນໄປພຽງ 4000 ກີບ​ ແຕ່ກຳໄລເຖິງ 400,000,000 ກີບເລີຍ ຖ້າເປັນເຈົ້າ ສິ່ງທີ່ເຈົ້າຈະເຮັດກ່ອນໜູ່ແມ່ນຫຍັງ..​ ກົດໄລກ໌ ກົດ​ ແຊຣ໌​ ຂໍໃຫ້ງວດໜ້າເປັນທ່ານເດິ້ ສາທຸໆ …

Leave a Reply

Your email address will not be published. Required fields are marked *