Breaking News

ຣັດເຊຍມອບພາຫະນະເຕັກນິກຊ່າງແສງ ແລະ ຊຸດອຸປະກອນ ໃຫ້ແກ່ກະຊວງປ້ອງກັນປະເທດ

ທ່ານ ວະລາດີມີຣ ກາລີນິນ, ເອກອັກຄະລັດຖະທູດຜູ້ມີອຳນາດເຕັມ ແຫ່ງ ສ.ຣັດເຊຍ ປະຈຳ ສປປ ລາວ ໄດ້ເຂົ້າຮ່ວມພີທີມອບຝາກ ພາຫະນະເຕັກນິກຊ່າງແສງ ແລະ ຊຸດອຸປະກອນເກັບຮັກສາພາຫະນະເຕັກນິກໄລຍະຍາວ ທີ່ກະຊວງປ້ອງກັນປະເທດແຫ່ງສ.ຣັດເຊຍ ໄດ້ໃຫ້ການຊ່ວຍເຫຼືອກະຊວງປ້ອງກັນປະເທດ ແຫ່ງ ສປປລາວ.

ທ່ານ ວະລາດີມີຣ ກາລີນິນໄດ້ກ່າວວ່າ:

ພວກເຮົາເຊື່ອໝັນວ່າ ການມອບ-ຮັບ ພາຫະນະເຕັກນິກຊ່າງແສງຄັ້ງນີ້ ຈະເປັນການປະກອບສ່ວນອັນສາຄັນ ເຮັດໃຫ້ຄວາມອາດສາມາດດ້ານປ້ອງກັນຊາດ ຂອງກອງທັບປະຊາຊົນລາວເຂັ້ມແຂງຂື້ນ ຊ່ວຍເຮັດ ໃຫ້ການ ປະຕິບັດ ຫນ້າທີ່ປະສົບຜົນສາເລັດ , ລວມທັງແມ່ນການລາດຕະເວນຊາຍແດນ, ສະກັດກັ້ນການເຄື່ອນໄຫວຜິດກົດໝາຍປະເພດຕ່າງໆ, ລວມທັງການຄ້າຂາຍຢາເສບຕິດທີ່ຜິດກົດໝາຍ. ພາຫະນະເຕັກນິກຊ່າງແສງອທີ່ຖືກໂອນຍ້າຍຍັງຈະຊ່ວຍໃຫ້ຮັບມືກັບວຽກງານດ້ານມະນຸດສະທຳ ແລະ ສັນຕິພາບທີ່ສະຫງົບສຸກ. ໂດຍສະເພາະ, ເຕັກນິກນີ້ສາມາດຖືກນຳໃຊ້ເພື່ອການເກັບກູ້ລະເບີດ, ການຮັບມືຜົນສະທ້ອນຂອງໄພພິບັດທາງທຳມະຊາດ ແລະ ການສະໜອງຄວາມຊ່ວຍເຫລືອດ້ານມະນຸດສະທຳໃຫ້ແກ່ປະຊາຊົນໃນເຂດປະສົບໄພ.

ບໍ່ດົນມານີ້, ໄດ້ມີການສະເເດງໃຫ້ເຫັນເຖິງອຸປະກອນທີ່ມີຄຸນນະພາບ ເເລະ ຄວາມໜ້າເຊື່ອຖືສູງ ທີ່ຜະລິດຈາກໂຊວຽດ ແລະ ຣັດເຊຍ ໃນລະຫວ່າງການເຝິກເເອບເນື່ອງໃນໂອກາດວັນຄົບຮອບ 45 ປີ ຂອງ ສປປ ລາວ.

ໃນຕໍ່ໜ້າ, ການຊ່ວຍເຫລືອດ້ານເຕັກນິກການທະຫານ ທີ່ມີໃນຂອບການຮ່ວມມືກັບ ສປປ ລາວ ຈະດຳເນີນຕໍ່ໄປ. ພວກເຮົາຕີລາຄາສູງຕໍ່ການພົວພັນລະຫວ່າງປະເທດຂອງພວກເຮົາໃນຂົງເຂດການທະຫານ ແລະ ເຕັກນິກການທະຫານ; ພວກເຮົາມີຄວາມເຊື່ອໝັ້ນວ່າ ມັນບໍ່ພຽງແຕ່ປະກອບສ່ວນໃນການເສີມສ້າງອະທິປະໄຕ ແລະ ເພີ່ມທະວີຄວາມສາມາດດ້ານການປ້ອງກັນປະເທດຂອງ ສປປ ລາວ ເທົ່ານັ້ນ, ແຕ່ຍັງເປັນການພັດທະນາສາຍພົວພັນທີ່ໄວ້ເນື້ອເຊື່ອໃຈກັນລະຫວ່າງລັດຂອງພວກເຮົາຕື່ມອີກ.

ຂ້າພະເຈົ້າຂໍສະແດງຄວາມຂອບອົກຂອບໃຈມາຍັງ ສະຫາຍ ພົນເອກ ຈັນສະໝອນ ຈັນຍາລາດ, ລັດຖະມົນຕີກະຊວງປ້ອງກັນປະເທດ, ການນຳ ແລະ ເຈົ້າຫນ້າທີ່ທະຫານຂອງກະຊວງປ້ອງກັນປະເທດ ສປປ ລາວ ທີ່ໄດ້ປະກອບສ່ວນເຂົ້າໃນການເພີ່ມທະວີຄວາມຮ່ວມມືດ້ານການທະຫານຣັດເຊຍ – ລາວ, ການພັດທະນາການພົວພັນສອງຝ່າຍຣັດເຊຍ – ລາວ ແລະ ຂໍອວຍພອນໃຫ້ປະຊາຊົນລາວມີສັນຕິພາບ, ສະຖຽນລະພາບ ແລະ ຄວາມຈະເລີນຮຸ່ງເຮືອງ.

ມິດຕະພາບທີ່ມີມາແຕ່ດົນນານລະຫວ່າງຣັດເຊຍ ແລະ ລາວ!

About admin

Check Also

ໂອຍບັກຫລ້າຄຳແພງຕາອີໂຕນເດລູກ.. ແມ່ໃຈຊົ່ ວ ແທ້ ຄື ບໍ່ໃຫ້ຜູ້ອື່ນລ້ຽງດີກວ່າ

ໂອຍບັກຫລ້າຄຳແພງຕາອີໂຕນເດລູກເອີຍ ຖືກແມ່ໃຈດຳອຳມະຫິດ ຄ້າທັງເປັນເກິດມາລະເອົາສາຍແນຫັດຄໍຕາຍລະເອົາໄປຖີ້ມຄຸມຢູປາ ບັງເອີຍເຮົາກາຢູ່ສູນກັກໂຕນຳດຽວກັບແມ່ຂອງເດັກນ້ອຍ😭😭😭😭😭 ຄື່ນນີ້ກາບໍໄດ້ນອນເບີດຄືນຕາຈົນຕູບເບີດບັກຫລ້ານ້ອຍໆມາກວນ ຕອນນີ້ກຳລັງດຳເນີນີະດີກັບຜູ້ນີງຄົນນັ້ນຂໍບໍບອກຊື່ເດີ ຕາອີໂຕນເດລູກເອີຍ. ຝາກແຊແນເດີທຸກຄົນ ທີ່ມາ

Leave a Reply

Your email address will not be published. Required fields are marked *