Breaking News

ມອບເຄື່ອງຊ່ວຍເຫຼືອໃຫ້ພະນັກງານປະຕິວັດທີ່ເສຍອົງຄະ ທີ່ສູນເຊ 17

ທ່ານຮອງເຈົ້າແຂວງສະຫວັນນະເຂດ ລົງຢ້ຽມຢາມ ແລະ ມອບເຄື່ອງຊ່ວຍເຫຼືອໃຫ້ພະນັກງານປະຕິວັດທີ່ເສຍອົງຄະທີ່ສູນເຊ 17

ເນື່ອງໃນໂອກາດທີ່ທົ່ວ ປວງຊົນລາວທັງຊາດ ພວມມ່ວນຊື່ນໃນການສະເຫຼີມສະຫຼອງວັນສະຖາປະນາສາທາ ລະນະລັດ ປະຊາທິປະໄຕ ປະຊາຊົນລາວ ວັນທີ 2 ທັນວາ ຄົບຮອບ 45 ປີ ແລະວັນສ້າງ ຕັ້ງກອງທັບປະຊາຊົນລາວຄົບຮອບ 72 ປີທີ່ຫາກໍ່ຜ່ານໄປ. ດັ່ງນັ້ນ ເພື່ອເປັນການສະແດງ ເຖິງຄວາມກະຕັນຍູຮູ້ບຸນຄຸນ ຕໍ່ພະນັກງານນັກຮົບປະຕິວັດ ແລະ ຄອບຄົວ ທີ່ໄດ້ອຸທິດຕົນ ໃນການຕໍ່ສູ້ຕ້ານການຮຸກຮານ ຂອງຈັກກະພັດຕ່າງດ້າວ ເພື່ອ ປົກປັກຮັກສາ ແລະປົດປ່ອຍ ປະເທດຊາດອອກຈາກການ ປົກຄອງຂອງລະບອບເກົ່າ, ໃນວັນທີ 22 ພະຈິກ 2021ນີ້, ທ່ານ ວຽງທະວີສອນ ເທບພະຈັນ ກຳມະການສຳຮອງສູນກາງພັກກຳມະການຄະນະປະຈຳພັກແຂວງຮອງເຈົ້າແຂວງສະຫວັນນະເຂດພ້ອມບັນດາພະແນກການຈຳນວນໜຶ່ງໄດ້ລົງ ໄປພົບປະຢ້ຽມຢາມ ແລະ ມອບຂອງຂອງຂວັນໃຫເແກ່ພະນັກງານປະຕິວັດທີ່ເສຍອົງຄະໃນສະໄໝເຮັດການປະຕິວັດ ປົດປ່ອຍຊາດ ທີ່ສູນ 17 ຫຼື ເຊ 17 ເຊທ່າມວກ ເມືອງພີີນ.

ເຄື່ອງທີ່ມອບໃນຄັ້ງນີ້ມີ ພາກສ່ວນຫ້ອງວ່າການ ແຂວງ, ທ່ານຮອງເຈົ້າແຂວງ ມອບເຂົ້າສານ 250 ກິໂລ, ຖົງເຄື່ອງອຸປະໂພກ-ບໍລິໂພກ 36 ຊຸດ ແລະເງິນສົດ 5 ລ້ານ ກີບ, ພະແນກຊັບພະຍາກອນ ທຳມະຊາດ ແລະສິ່ງແວດລ້ອມ ແຂວງມອບເງິນ 2 ລ້ານກີບ, ພະ ແນກອຸດສາຫະກຳ ແລະການ ຄ້າແຂວງມອບເຂົ້າສານ 200 ກິໂລ, ພະແນກໂຍທາທິການ ແລະຂົນສົ່ງມອບເກືອ 20 ຖົງ, ພະແນກພະລັງງານ ແລະບໍ່ ແຮ່ມອບໝີ່ແຫ້ງ 40 ແກັດ ມູນຄ່າ 1,8 ລ້ານກີບ, ກອງບັນ ຊາການທະຫານແຂວງມອບ ເງິນ 3 ລ້ານກີບ ພ້ອມເຄື່ອງອຸປະ ໂພກ-ບໍລິໂພກ, ພະແນກແຜນ ການການລົງທຶນມອບຜ້າຫົ່ມ 10 ຜືນ, ພະແນກກະສິກຳ ແລະ ປ່າໄມ້ມອບກະຕ່າຂອງຂວັນ ມູນຄ່າ 3 ແສນກີບ, ນອກນີ້ກໍ່ ມີພາກສ່ວນນັກທຸລະກິດປະ ກອບສ່ວນເປັນອຸປະກອນການ ສຶກສາຕື່ມອີກ.

ເຊິ່ງທ່ານຮອງ ເຈົ້າແຂວງກໍ່ໄດ້ກ່າວສະແດງ ຄວາມຂອບໃຈຢ່າງລົ້ນເຫຼືອຕໍ່ນັກຮົບປະຕິວັດທີ່ເສຍສະຫຼະ ທຸກສິ່ງຢ່າງທັງແຮງກາຍແຮງ ໃຈ ເພື່ອຕໍ່ສູ້ກັບຈັກກະພັດຈົນ ສາມາດປົດປ່ອຍປະເທດຊາດ ຍາດເອົາເອກະລາດ ອະທິປະໄຕ ແລະສະຖາປະນາເປັນສາທາ ລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ ປີ 1975. ພ້ອມທັງໃຫ້ສືບຕໍ່ສຶກ ສາອົບຮົມລູກຫຼານໃຫ້ເຊື່ອມຊຶມ ແລະ ເຂົ້າໃຈຕໍ່ພາລະກຳປະຫວັດສາດຂອງນັກຮົບປະຕິວັດ ທີ່ໄດ້ອຸທິດຕົນເພື່ອພາລະກິດປົດປ່ອຍປະເທດຊາດ, ສົ່ງເສີມໃຫ້ເຂົາເຈົ້າໄດ້ຮັບການສຶກສາ ເພື່ອກາຍເປັນຜູ້ມີຄວາມຮູ້ຄວາມສາມາດປະກອບສ່ວນ ໃນການພັດທະນາ, ພ້ອມພາ ກັນຕ້ານປະກົດການຫຍໍ້ທໍ້ໂດຍ ສະເພາະບັນຫາຢາເສບຕິດ, ຂີ້ລັກງັດແງະຄ້າຂາຍເຖື່ອນສິ່ງ ຜິ ດ ກົດໝາຍ ແລະ ອື່ນໆ, ນອກນັ້ນຕ້ອງໄດ້ເພີ່ມທະວີຄວາມດຸໝັ່ນໃນການປູກ, ການລ້ຽງເພື່ອສ້າງເສດຖະກິດຄອບຄົວໃຫ້ດີຂຶ້ນ.

About admin

Check Also

ໂອຍບັກຫລ້າຄຳແພງຕາອີໂຕນເດລູກ.. ແມ່ໃຈຊົ່ ວ ແທ້ ຄື ບໍ່ໃຫ້ຜູ້ອື່ນລ້ຽງດີກວ່າ

ໂອຍບັກຫລ້າຄຳແພງຕາອີໂຕນເດລູກເອີຍ ຖືກແມ່ໃຈດຳອຳມະຫິດ ຄ້າທັງເປັນເກິດມາລະເອົາສາຍແນຫັດຄໍຕາຍລະເອົາໄປຖີ້ມຄຸມຢູປາ ບັງເອີຍເຮົາກາຢູ່ສູນກັກໂຕນຳດຽວກັບແມ່ຂອງເດັກນ້ອຍ😭😭😭😭😭 ຄື່ນນີ້ກາບໍໄດ້ນອນເບີດຄືນຕາຈົນຕູບເບີດບັກຫລ້ານ້ອຍໆມາກວນ ຕອນນີ້ກຳລັງດຳເນີນີະດີກັບຜູ້ນີງຄົນນັ້ນຂໍບໍບອກຊື່ເດີ ຕາອີໂຕນເດລູກເອີຍ. ຝາກແຊແນເດີທຸກຄົນ ທີ່ມາ

Leave a Reply

Your email address will not be published. Required fields are marked *