ຂ່າວດ່ວນ

ບັນຫາຫຍັງຈະເກີດຂຶ້ນກັບ ທຣຳ ໃນເມື່ອຖືກຖອດຖອນ

ອາດມີການໄຂກອງປະຊຸມລັດຖະສະພາ ເພື່ອພິຈາລະນາ ຖອດຖອນ ທຣຳ , ເຖິງແມ່ນເຂົາຈະໝົດວາລະໄປແລ້ວກໍຕາມ, ສິ່ງນີ້ ບໍ່ເຄີຍເກີດຂຶ້ນໃນປະຫວັດສາດຂອງສະຫະລັດອາເມລິກາ ມາກ່ອນ.

ວັນທີ 13 ມັງກອນນີ້, ສະພາຜູ້ແທນປະຊາຊົນ ໄດ້ຜ່ານຂໍ້ກຳນົດ ຖອດຖອນ ປະທານາທິບໍດີ ໂດນັລທຣຳ ດ້ວຍຄະແນນສຽງ 232 ສຽງສະໜັບສະໜູນໃຫ້ຖອດຖອນ ແລະ 197 ສຽງ ຄັດຄ້ານ. ອັນເນື່ອງມາຈາກ ທຣຳ ໄດ້ປຸກປັ່ນ ໃຫ້ເກີດເຫດ ຈາລະຈົນ ໃນວັນທີ 6 ມັງກອນຜ່ານມາ ຢູ່ທີ່ຫໍສະພາແຫ່ງຊາດ ໂດຍສະເພາະ ແມ່ນເຂົາໄດ້ມີຄຳປາໄສຕໍ່ມວນຊົນຫຼາຍພັນຄົນ ທີ່ສະໜັບສະໜູນ ເຂົາ.

ຕາມຂໍ້ກຳນົດຂອງ ລັດຖະທຳມະນູນຂອງສະຫະລັດອາເມລິກາ, ພາຍຫຼັງຜ່ານຂໍ້ກຳນົດ ຖອດຖອນແລ້ວ, ສະພາຜູ້ແທນປະຊາຊົນຈະສົ່ງໃຫ້ວຸດທິສະພາ ເພື່ອເປີດກອງປະຊຸມພີຈະລະນາ ແລະ ຈະໄດ້ຮັບຜ່ານການຮັບຮອງ ຖ້າຫາກໄດ້ຮັບສຽງສະໜັບສະໜູນ 2/3 ຂອງສະມາຊິກວຸດທິສະພາ.

ຖ້າຫາກຖືກຖອດຖອນຈິງ, ປະທານາທິບໍດີ ຈະຖືກປົດທຸກໜ້າທີ່ຕຳແໜ່ງ, ຫ້າມບໍ່ໃຫ້ມີໜ້າທີ່ຕຳແໜ່ງໃດໆ ໃນຄະນະລັດຖະບານ ໃນອະນາຄົດ. ຊຶ່ງບັນຫານີ້ບໍ່ທັນເກີດຂື້ນມາກ່ອນໃນປະຫວັດສາດຂອງສະຫະລັດອາເມລິກາ, ເທື່ອນີ້ ອາດເປັນຄັ້ງທຳອິດ ຖ້າລັດຖະສະພາຮັບຮອງການຖອດຖອນ ທຣຳ ຢ່າງເປັນທາງການ.

ກ່ຽວກັບ admin

ກວດສອບຍັງ

ມີຫຼາຍປະເທດທົດລອງ ເຮັດວຽກ 4 ມື້ຕໍ່ອາທິດ

ມີຫຼາຍປະເທດກຽມທົດລອງ ໃຫ້ມີການເຮັດວຽກແຕ່ 4 ມື້ຕໍ່ອາທິດ ຄາດວ່າ ຈະເຮັດໃຫ້ວຽກງານອອກມາມີປະສິດທິພາບຫຼາຍກວ່າ ການເຮັດວຽກເຕັມ 5 ມື້ຕໍ່ອາທິດແບບເກົ່າ. ໃນນີ້, ປະເທດສະເປນ ໄດ້ມີການເລີ່ມທົດລອງແລ້ວ ແລະບໍ່ມີການຫັກເງິນເດືອນ ເຊິ່ງຊ່ອຍໃຫ້ການເຮັດວຽກມີປະສິດທິພາບຂຶ້ນແທ້.ໃນປະເທດຍີ່ປຸ່ນ, ນິວຊີແລນ …

Leave a Reply

Your email address will not be published. Required fields are marked *