Breaking News

ແຈ້ງຂ່າວພີ່ນ້ອງຊາວນາ! ໝົດອາທິດນີ້ຍັງໜາວຫຼາຍ ອຸຕຸເຕືອນມັນອາດກະທົບຕໍ່ການປັກດໍານາແຊງ

ກົມອຸຕຸນິຍົມ ແລະ ອຸທົກກະສາດ ອອກແຈ້ງການເຕືອນ ອຸຕຸກະເສດ ໃນໄລຍະວັນທີ 13 ຫາ 17 ມັງກອນ 2021 ແຈ້ງໃຫ້ປະຊາຊົນຮູ້ໃນໄລຍະວັນດັ່ງກ່າວ ອາກາດຈະຍັງໜາວເຢັນ ເຊິ່ງມັນອາດກະທົບຕໍ່ການປູກເຂົ້ານາແຊງ ແນະນໍາໃຫ້ເລື່ອນການປັກດໍາອອກໄປກ່ອນ.

ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ກົມອຸຕຸນິຍົມ ແລະ ອຸທົກກະສາດ ອອກແຈ້ງການ ສະບັບເລກທີ 0036/ກອຕທ ນະຄອນຫຼວງວຽງຈັນ, ລົງວັນທີ 13 ມັງກອນ 2021 ໃຫ້ຮູ້ວ່າ: ຈາກຜົນການພະຍາກອນຂອງລະບົບອຸຕຸກະເສດ (LaCSA) ໄລຍະວັນທີ 13 – 17 ມັງກອນ 2021 ແລະ ຕາມການຄາດຄະເນສະພາບອາກາດ ປະຈໍາອາທິດ ມວນອາກາດຫນາວເຢັນຈາກປະເທດຈີນຍັງມີກໍາລັງແຮງແຜ່ລົງມາປົກຄຸມ ຢູ່ທົ່ວທຸກພາກຂອງປະເທດລາວ, ສົມທົບກັບລົມມໍລະສຸມຕາເວັນອອກສ່ຽງເຫນືອພັດປົກຄຸມ.

ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ກົມອຸຕຸນິຍົມ ແລະ ອຸທົກກະສາດ ອອກແຈ້ງການ ສະບັບເລກທີ 0036/ກອຕທ ນະຄອນຫຼວງວຽງຈັນ, ລົງວັນທີ 13 ມັງກອນ 2021 ໃຫ້ຮູ້ວ່າ: ຈາກຜົນການພະຍາກອນຂອງລະບົບອຸຕຸກະເສດ (LaCSA) ໄລຍະວັນທີ 13 – 17 ມັງກອນ 2021 ແລະ ຕາມການຄາດຄະເນສະພາບອາກາດ ປະຈໍາອາທິດ ມວນອາກາດຫນາວເຢັນຈາກປະເທດຈີນຍັງມີກໍາລັງແຮງແຜ່ລົງມາປົກຄຸມ ຢູ່ທົ່ວທຸກພາກຂອງປະເທດລາວ, ສົມທົບກັບລົມມໍລະສຸມຕາເວັນອອກສ່ຽງເຫນືອພັດປົກຄຸມ.ເຊິ່ງຈະເຮັດໃຫ້ອຸນຫະພູມອາກາດຫນາວຫຼາຍ ໂດຍສະເພາະຢູ່ເຂດພູສູງ, ພູດອຍ ແລະ ຮ່ອມພູ ເຊັ່ນ: ບັນດາແຂວງ ພາກເຫນືອ, ແຂວງໄຊສົມບູນ ແລະ ເຂດພູພຽງບໍລະເວນ ອາກາດຈະຫນາວເຢັນຫຼາຍ ພ້ອມມີຝົນຕົກຄ່ອຍເປັນບາງໂອກາດ. ສ່ວນຢູ່ພາກກາງ ແລະ ພາກໃຕ້ ອາກາດຈະເຢັນ ຫາ ຫນາວເຢັນ ພ້ອມມີຫມອກບາງປົກຫຸ້ມຢູ່ທົ່ວໄປໃນຕອນເຊົ້າ ແລະ ມີລົມພັດແຮງເປັນບາງ ໂອກາດໃນແຕ່ລະພາກ.

ໃນວັນທີ 13 – 17 ມັງກອນ 2021 ມວນອາກາດເຢັນຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງປານກາງ ສົມທົບກັບລົມຕາເວັນອອກສ່ຽງເຫນືອພັດປົກຄຸມ, ຊຶ່ງຈະເຮັດໃຫ້ອາກາດອຸ່ນຂຶ້ນ 2 ຫາ 4 ອົງສາ ຢູ່ທົ່ວໄປໃນແຕ່ລະພາກ, ແຕ່ສະພາບອາກາດຍັງຫນາວເຢັນຫຼາຍຢູ່ແຂວງພາກເຫນືອ, ເຂດພູສູງ, ພູດອຍ, ແຂວງ ໄຊສົມບູນ ແລະ ເຂດພູພຽງບໍລິເວນ ພ້ອມມີຫມອກຫນາປົກຫຸ້ມຢູ່ທົ່ວໄປໃນຕອນກາງຄືນ ຫາ ຕອນເຊົ້າ ພ້ອມມີລົມພັດ ແຮງເປັນບາງໂອກາດຢູ່ບາງທ້ອງຖີ່ນ.

ດັ່ງນັ້ນ, ຈຶ່ງແຈ້ງ ແນະນໍາໃຫ້ປະຊາຊົນ ແລະ ຊາວກະສິກອນ ບັນດາແຂວງໃນຂອບເຂດທົ່ວປະເທດ ຕໍ່ກັບ ສະພາບອາກາດທີ່ຫນາວເຢັນດັ່ງກ່າວ ອາດສົ່ງຜົນກະທົບຕໍ່ການປູກເຂົ້ານາແຊງ ສະນັ້ນຈຶ່ງແນະນໍາຊາວກະສິກອນ ເລື່ອນການປັກດໍາເຂົ້ານາແຊງ.

About admin

Check Also

ແຊບອກຕໍ່ ຖ້າແມ່ຮັກລູກຢ່າໃສ່ຜ້າປິດປາກໃຫ້ລູກເດິ້ ມາແຊປະສົບການ (ຢູ່ປະເທດໄທ )

😷😷ຖ້າແມ່ຮັກລູກຢ່າໃສ່ຜ້າປິດປາກໃຫ້ລູກເດີ😷😷ມາແຊປະສົບການ (ຢູ່ປະເທດໄທ ) ແມ່ນີ້ເປັນຄົນໜຶ່ງທີ່ຮັກລູກ,ຫ່ວງລູກຄືແມ່ຄົນອື່ນໆ ເຂົ້າໃຈຜິດມາຕະຫຼອດວ່າຜ້າປິດປາກມີຂະໜາດສຳລັບເດັກນ້ອຍມາຂາຍ ກໍ່ຄິດວ່າໃສ່ໄດ້ ເລີຍບ່ໍໄດ້ຫາຂ້ໍມູນເພີ່ມເຕີມ ແມ່ກໍ່ຫາຊື້ຜ້າປິດປາກມາໃສ່ໃຫ້ລູກ ເວລາໄປສັກຢາຫຼືອອກນອກບ້ານເພື່ອປ້ອງກັນ ລູກແມ່7ເດືອນປາຍພັດໃຫ້ຄວາມຮ່ວມມືຢ່າງດີ ແມ່ກໍ່ຮູ້ສຶກດີໃຈສຸດໆ ວ່າລູກໃຫ້ໃສ່ແລະບໍ່ດຶງອອກ ຄິດວ່າປ້ອງກັນໃນລະດັບໜຶ່ງ ທີ່ຈິງບ່ໍແມ່ນເລີຍ ແມ່ພາລູກໄປສັກຢາ …

Leave a Reply

Your email address will not be published. Required fields are marked *