Breaking News

ອົງການອະນາໄມໂລກ ບໍ່ໄດ້ຊອກຫາການຖີ້ມໂທດ ແຕ່ສືບສວນ ຫາທີ່ມາຂອງໂຄວິດ-19

ພວກເຈົ້າໜ້າທີ່ຂອງອົງການອະນາໄມໂລກ ຫຼື WHO) ກ່າວວ່າ ຄວາມພະຍາຍາມສືບສວນຫາທີ່ມາຂອງໄວຣັສໂຄໂຣນາ ບໍ່ແມ່ນວ່າຊອກຫາການ “ຖີ້ມໂທດ ໃສ່ຜູ້ໃດຜູ້ນຶ່ງ” ໃນຂະນະທີ່ອົງການດັ່ງກ່າວສົ່ງທີມຜູ້ຊ່ຽວຊານສາກົນໄປປະເທດ ຈີນ ໃນອາທິດນີ້.

ຫົວໜ້າສຸກເສີນອົງການຂອງ WHO ທ່ານໄມຄ໌ ຣາຍອານ (Mike Ryan) ກ່າວຕໍ່ກອງປະຊຸມນັກຂ່າວຢູ່ນະຄອນເຈນີວາ (Geneva) ໃນວັນຈັນວານນີ້ວ່າ “ພວກເຮົາຈະຊອກຫາບັນດາຄຳຕອບຢູ່ທີ່ນີ້ ທີ່ອາດຈະຮັກສາອະນາຄົດ. ບໍ່ແມ່ນ ກ່າວຫາ ແລະຖີ້ມໂທດໃສ່ຄົນ.”

ທ່ານຣາຍອານ ກ່າວວ່າ ຖ້າຫາກການຖີ້ມໂທດມີຢູ່ “ພວກເຮົາສາມາດຖີ້ມໂທດ ໃສ່ການປ່ຽນແປງດິນຟ້າອາກາດ. ພວກເຮົາສາມາດຖີ້ມໂທດໃສ່ການຕັດສິນໃຈ ນະໂຍບາຍທີ່ໄດ້ເຮັດເມື່ອສາມທົດສະວັດກ່ອນ ກ່ຽວກັບການປຸກສ້າງເຮືອນຊານ ໃນທາງທີ່ທຳລາຍປ່າໄມ້.”

ກ່າວໃນຕອນຕົ້ນຢູ່ບ່ອນລາຍງານ ຜູ້ບໍລິຫານທົ່ວໄປຂອງອົງການ WHO ທ່ານ ເທໂດຣສ ອາດານອມ ເກເບຣເຢຊຸສ (Tedros Adhanom Ghebreyesus) ກ່າວວ່າ ທີມເດີນທາງໄປປະເທດຈີນເພື່ອຊອກຫາຄວາມເຂົ້າໃຈ ແລະແຫຼ່ງຂອງ ການຕິດແປດໃນຂັ້ນຕົ້ນ ຢູ່ໃນເຂດໃຈກາງຂອງເມືອງວູຫານ.

ຄຳຖະແຫຼງຂອງເຂົາເຈົ້າໄດ້ມີຂຶ້ນຫຼັງຈາກຈີນປະກາດວ່າ ທີມງານຂອງ WHO ຈະເດີນທາງໄປເຖິງປະເທດຈີນ ໃນວັນພະຫັດນີ້.

About admin

Check Also

ດ່ວນ ໄທມີຜູ້ຕິດເຊື້ອໃໝ່ +2,839 ຄົນ, ເສຍຊີວິດ ເພີ່ມ​ 8​ ຄົນ

ມາເບິ່ງສະຖານນະການການແຜ່ລະບາດຂອງພະຍາດໂຄວິດ-19 ໃນປະເທດໄທ ມື້ນີ້ວັນທີ 24 ເມາສາ 2021 ມີຜູ້ຕິດເຊື້ອໃໝ່ +2,839 ຄົນ, ເສຍຊີວິດ ເພີ່ມ​ 8 ຄົນ​ ແລະ ສະສົມລວມ …

Leave a Reply

Your email address will not be published. Required fields are marked *