ຂ່າວດ່ວນ

ຊຽງຂວາງ​ ເມືອງໜອງແຮດໜາວ ແລະ ແຂງແລ້ວ

ອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດໃນໄລຍະວັນທີ 11 ຫາ 17 ມັງກອນ 2021 ວ່າ ໃນໄລຍະວັນທີ 11 ຫາ 12 ມັງກອນ ມວນອາກາດໜາວເຢັນຈາກປະເທດຈີນ ຍັງມີກຳລັງແຮງແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ,

ສົມທົບກັບລົມມໍລະສຸມຕາເວັນອອກສ່ຽງເໜືອພັດປົກຄຸມ ເຊິ່ງຈະເຮັດໃຫ້ອຸນຫະພູມອາກາດໜາວຫຼາຍ ໂດຍສະເພາະຢູ່ເຂດພູສູງ, ພູດອຍ ແລະ ຮ່ອມພູ ເຊັ່ນ: ບັນດາແຂວງພາກເໜືອ,ແຂວງໄຊສົມບູນ ແລະ ເຂດພູພຽງບໍລະເວນ ອາກາດຈະໜາວເຢັນຫຼາຍ ພ້ອມມີຝົນຕົກຄ່ອຍເປັນບາງໂອກາດ ສ່ວນຢູ່ພາກກາງ ແລະ ພາກໃຕ້ ອາກາດຈະເຢັນ ຫາ ໜາວເຢັນ ພ້ອມມີໝອກບາງປົກຫຸ້ມຢູ່ທົ່ວໄປໃນຕອນເຊົ້າ ແລະ ມີລົມພັດແຮງເປັນບາງໂອກາດໃນແຕ່ລະພາກ.

ຈາກນັ້ນ ວັນທີ 13 ຫາ 17 ມັງກອນ 2021 ມວນອາກາດເຢັນຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງປານກາງ ສົມທົບກັບລົມຕາເວັນອອກສ່ຽງເໜືອພັດປົກຄຸມ ເຊິ່ງຈະເຮັດໃຫ້ອາກາດອຸ່ນຂຶ້ນ 2 ຫາ 4 ອົງສາ ຢູ່ທົ່ວໄປໃນແຕ່ລະພາກ,

 ແຕ່ສະພາບອາກາດຍັງໜາວເຢັນຫຼາຍຢູ່ແຂວງພາກເໜືອ, ເຂດພູສູງ, ພູດອຍ, ແຂວງໄຊສົມບູນ ແລະ ເຂດພູພຽງບໍລິເວນ ພ້ອມມີໝອກໜາປົກຫຸ້ມຢູ່ທົ່ວໄປໃນຕອນກາງຄືນ ຫາ ຕອນເຊົ້າ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ ແລະ

ລ່າສຸດ ແລງວັນທີ 11/1/2021 ຢູ່ເມືອງໜອງແຮດ ແຂວງ ຊຽງຂວາງ ໄດ້ມີອາກາດໜາວແລ້ວ ແລະ ມີນໍ້າກ້າມຄ້າງ ຕາມໃບຫຍ້າ….ຂໍໃຫ້ທຸກຄົນຈົ່ງຮັກສາສຸຂະພາບເດີ່

ກ່ຽວກັບ admin

ກວດສອບຍັງ

ກຳນົດເອົາກິດຈະກຳສຳຄັນເທົ່ານັ້ນ ບຸນຊ້າງປະຈໍາປີ 2021 ຈັດພຽງ 1 ວັນ

ເພື່ອເປັນການປະຕິບັດຕາມມາດຕະການຂອງໜ່ວຍສະເພາະກິດແຫ່ງຊາດ ໃນການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 ນັ້ນ, ແຂວງ ໄຊຍະບູລີ ຈະໄດ້ຈັດງານບຸນຊ້າງປະຈໍາປີ 2021 ຂຶ້ນຕາມຮີດຄອງປະເພນີ, ໂດຍຈະໄດ້ຈໍາກັດແຂກຄົນເພື່ອເຂົ້າຮ່ວມ, ງານບຸນດັ່ງກ່າວຈະໄດ້ຈັດຂຶ້ນໃນວັນທີ 13 …

Leave a Reply

Your email address will not be published. Required fields are marked *