Breaking News

ປະເທດ ອັງກິດກັງວົນເຊື້ອໂຄວິດອາຟຣິກາໃຕ້ແຮງເກີນ ຢ້ານວັກຊີນອາດເອົາບໍ່ຢູ່

ນັກວິທະຍາສາດ​ອັງກິດ ກັງວົນ​ກ່ຽວ​ກັບ​ໂຄ​ວິດ-19 ກາຍພັນ​ຢູ່​ອາ​ຟຣິກາ​ໃຕ້​ວ່າ​ມີ​ຄວາມ​ຮຸນ​ແຮງ​ຫລາຍ ​ແລະ ວັກ​ຊີ​ນທີ່​ຜະລິດ​ອາດ​ຈະ​ບໍ່​ສາມາດ​ປ້ອງ​ກັນ​ການ​ຕິດ​ເຊື້ອ​ໄດ້.ສຳນັກ​ຂ່າວຣອຍ​ເຕີ ລາຍ​ງານ​ວ່າ: ທ່ານ ​ແມັດ ຮານ​ຄອກ ລັດຖະມົນຕີ​ສາທາລະນະ​ສຸກ​ອັງກິດ ກ່າວ​ວ່າ: ກັງວົນ​ກ່ຽວ​ກັບ​ໂຄ​ວິດ-19 ກາຍ​ພົນ​ຈາກ​ອາ​ຟຣິກາ​ໃຕ້ ທີ່​ອາດ​ຈະ​ມີ​ຄວາມ

ຮຸນ​ແຮງ​ກວ່າ​ໂຄ​ວິດ-19 ທີ່​ກາຍພັນ​ຢູ່​ອັງກິດ.ນັກວິທະຍາສາດ​ອະທິບາຍ​ວ່າ: ສາ​ເຫດ​ທີ່​ໂຄ​ວິດ-19 ກາຍພັນ​ຢູ່​ອາ​ຟຣິກາ​ໃຕ້ ມີ​ທ່າ​ອ່ຽງຮຸນ​ແຮງ​ກວ່າ​ສາຍ​ພັນ​ອັງກິດ ​ເພາະ​ມີ​ການ​ກາຍພັນ​ທີ່​ສັບ​ຊ້ອນ​ກວ່າ ​ແລະ ສົ່ງ​ຜົນ​ປ່ຽນ​ແປງ​ລັກສະນະ​ຂອງ​ໂປຣຕິນໜາມ (Spike Protein) ​ໃນ​ຈຸດ​ສຳຄັນ ​ເຊິ່ງ​ເປັນ​ສ່ວນ​ທີ່​ໄວຣັສ​ໃຊ້​ແຜ່​ເຊື້ອ​ໄປ​ຈຸ​ລັງ​ຂອງ​ມະນຸດ

​ເຮັດ​ໃຫ້​ນັກວິທະຍາສາດ​ກັງວົນ​ວ່າ: ວັກ​ຊີ​ນຈະ​ບໍ່​ສາມາດ​ນຳ​ໃຊ້​ກັບ​ສາຍ​ພັນ​ທີ່​ກາຍພັນ​ຢູ່​ອາ​ຟຣິກາ​ໃຕ້​ໄດ້.ສ່ວນ​ຜູ້​ຜະລິດ​ວັກ​ຊີ​ນສຳຄັນ​ຄື ບໍລິສັດ BioNTech ​ເຊິ່ງກ່ອນ​ໜ້າ​ນີ້​ໄດ້​ອອກ​ມາ​ສ້າງ​ຄວາມ​ເຊື່ອ​ໝັ້ນວ່າ: ວັກ​ຊີ​ນທີ່​ພັດທະນາ​ຂຶ້ນສາມາດ​ຕ້ານ​ເຊື້ອ​ໄວຣັສ​ໂຄ​ວິດ-19 ທີ່​ກາຍພັນ​ໄດ້, ​ແຕ່​ຖ້າ​ວັກ​ຊີ​ນບໍ່​ສາມາດ​ຕ້ານ​ເຊື້ອກາຍພັນ​ຂຶ້ນມາ ທີ​ມຜູ້​ພັດທະນາ

ສາມາດ​ພັດທະນາ​ວັກ​ຊີ​ນ​ໃໝ່​ທີ່​ຕ້ານ​ເຊື້ອກາຍພັນ​ໄດ້​ພາຍ​ໃນ 6 ອາທິດ​, ​ແຕ່​ວັກ​ຊີ​ນທີ່​ພັດທະນາ​ຕ້ອງ​ເຂົ້າສູ່​ຂະ​ບວນການ​ຂໍອະນຸຍາດ​ນຳ​ໃຊ້​ໃໝ່​ທັງ​ໝົດ.​ໄລຍະ​ຜ່ານ​ມາ​ຈະ​ເຫັນ​ວ່າ​ໂຄ​ວິດ-19 ມີ​ການ​ກາຍພັນ​ຈາກ 2 ປະ​ເທດ​ຕົ້ນຕໍ​ຄື: ອັງກິດ ​ແລະ ອາ​ຟຣິກາ​ໃຕ້ ​ເຮັດ​ໃຫ້​ຈຳນວນ​ຜູ້​ຕິດ​ເຊື້ອ​ເພີ່ມ​ຂຶ້ນຫລາຍ, ຫລາຍ​ປະ​ເທດ​ກໍ​ໄດ້​ປິດ​ກັ້ນການ​ເຂົ້າຊາຍ​ແດນ​ຜູ້​ທີ່​ເດີນທາງ​ມາ​ຈາກ 2 ປະ​ເທດ​ນີ້​ແລ້ວ.

About admin

Check Also

​ຂໍທຸກຄົນຊ່ວຍແຊ ຖ້າໃຜເຫັນລູກສາວຂ້ອຍ ຊ່ວຍແຈ້ງໃຫ້ແນ່..​ເປັນຫວ່ງຫລາຍ

#ປະກາດຕາມຫາຄົນຫາຍຕົວ ຜູ້ກ່ຽວມີຊື່ວ່າ:ນາງ ມີ ຫວາ ອາຍຸ 25 ປີຢູ່ບ້ານນໍ້າພອນ, ເມືອງພຽງ ແຂວງໄຊຍະບູລີ #ຜູ້ກ່ຽວເປັນຄົນປາກກືກ ໄດ້ຫາຍຕົວໄປໃນວັນທີ່ 9/5/2021 ເວລາ 21:30 ນາທີ …

Leave a Reply

Your email address will not be published. Required fields are marked *