Breaking News

ການທີ່ເປັນຄົນຊື່ສັດຈີງໃຈ ສຸດທ້າຍແລ້ວມັກຈະພົບສີ່ງດີໆສະເໝີ ເຖີງບາງຄັ້ງອາດຈະຊ້າກໍຕາມ

ຊື່ສັດຜູ້ໂດດດຽວຊື່ສັດຖືກຫນຸ່ມນ້ອຍນາມວ່າ ສະຫຼາດຖິ້ມລົງທະເລ ຊື່ສັດພະຍາຍາມລອຍນໍ້າຈົນມາຮອດເກາະແຫ່ງຫນຶ່ງ ເມື່ອຂຶ້ນຝັ່ງໄດ້ຊື່ສັດກໍ່ນອນພັກຢູ່ເທິງຫາດຊາຍມັນພະຍາຍາມຄິດຫາຫົນທາງທີ່ຈະກັບຂຶ້ນຝັ່ງ

ສິ່ງທີ່ຊື່ສັດຫວັງກໍ່ຄືຈະມີເຮືອຂອງໃຜຜ່ານມາທາງນີ້ແນ່ຊື່ສັດກໍ່ໄດ້ຍິນສຽງເພງແວ່ວມາແຕ່ໄກ ມັນຟ້າວລຸກຂຶ້ນ ແລະ ເບິ່ງໄປຍັງຕົ້ນສຽງນັ້ນມີເຮືອລໍາຫນຶ່ງກໍາລັງມຸ້ງມາບັງເກາະນີ້ ເທິງເຮືອລໍານັ້ນມີທຸງຜືນນ້ອຍໂບກສະບັດຢູ່

ເທິງທຸງນັ້ນຂຽນຄໍາວ່າ ຄວາມສຸກທີ່ແທ້ເປັນເຮືອຂອງຄວາມສຸກນັ້ນເອງ ຊື່ສັດຈຶ່ງຕະໂກນເອີ້ນຄວາມສຸກຄວາມສຸກ ຄວາມສຸກ ຂ້ອຍຄືຊື່ສັດເຈົ້າຊ່ວຍພາຂ້ອຍຂຶ້ນຝັ່ງໄດ້ບໍເມື່ອຄວາມສຸກໄດ້ຍິນກໍ່ເວົ້າກັບຊື່ສັດວ່າ ບໍ່ໄດ້ບໍ່ໄດ້

ຫາກຂ້ອຍພາເຈົ້າຂຶ້ນມານໍາຂ້ອຍຈະໝົດສຸກເຈົ້າເບິ່ງແມຜູ້ຄົນຫຼາຍຫຼວງໃນຍຸກນີ້ທີ່ເວົ້າຄວາມຈິງແລ້ວກັບບໍ່ມີຄວາມສຸກຂໍໂທດນະຊື່ສັດຂ້ອຍຮັບເຈົ້າຂຶ້ນມາບໍ່ໄດ້ເວົ້າຈົບຄວາມສຸກກໍ່ຈາກໄປຜ່ານໄປບໍ່ດົນຕໍາແຫນ່ງກໍ່ຜ່ານມາຊື່ສັດກໍ່ຮ້ອງເອີ້ນຕໍາແຫນ່ງ ຕໍາແຫນ່ງ ຕໍາແຫນ່ງ ຂ້ອຍຄືຊື່ສັດ ຂ້ອຍຂໍອາໄສເຮືອຂອງເຈົ້າຂຶ້ນຝັ່ງໄດ້ບໍ່ ຕໍາແຫນ່ງພໍໄດ້ຍິນກໍ່ຟ້າວຫັນຫົວເຮືອອອກໄປຈາກນັ້ນກໍ່ຫັນມາລົມກັບຊື່ສັດວ່າ ບໍ່ໄດ້ໆ ຊື່ສັດເຈົ້າຈະຂຶ້ນມາຢູ່ກັບຂ້ອບບໍ່ໄດ້ເຈົ້າຮູ້ບໍ່ຕໍາແຫນ່ງທີ່ຂ້ອຍໄດ້ມານັ້ນມັນຍາກຫຼາຍພຽງໃດຫາກຂ້ອຍພາເຈົ້າມາຢູ່ນໍາຂ້ອຍຈະຊວຍ ຈັກຫນ້ອຍຂ້ອຍຈະສູນເສຍຕໍາແຫນ່ງ ຈັ່ງໃດຂ້ອຍບໍ່ຂໍຢູ່ຮ່ວມກັບເຈົ້າ

ຊື່ສັດນ້ຳຕາອົມເບົ້າ ເບິ່ງຕໍາແຫນ່ງທີ່ຟ້າວອອກເຮືອຈາກໄປຢ່າງສິ້ນຫວັງຮູ້ສຶກສັບສົນໃນຕົວເອງເປັນຢ່າງຍິ່ງແຕ່ສິ່ງທີ່ມັນເຮັດໄດ້ກໍ່ພຽງແຕ່ ຖ້າ ຖ້າ ແລະ ກໍ່ຖ້າເທົ່ານັ້ນຢູ່ໆທ່ວງທໍານອງທີ່ບໍ່ຄ່ອຍຈະເຂົ້າກັນກໍ່ແວ່ວດັງຂຶ້ນມາເຮືອລໍາຫນຶ່ງບັນທຸກແຂ່ງຂັນ ເປັນຈໍານວນຫຼາຍຜ່ານມາຊື່ສັດຈຶ່ງຮ້ອງເອີ້ນແຂງຂັນ

ຂ້ອຍຂໍຂຶ້ນເຮືອຂອງເຈົ້າໄດ້ບໍ່ເຈົ້າເປັນໃຜເຈົ້າມີປະໂຫຍດແນວໃດກັບຂ້ອຍແຂ່ງຂັນຮ້ອງຖາມມາ ຊື່ສັດບໍ່ຢາກເວົ້າຫຍັງຫຼາຍເພາະເກງວ່າຈະພາດໂອກາດເໝືອນທຸກຄັ້ງທີ່ຜ່ານມາແຕ່ຊື່ສັດກໍ່ຄືຊື່ສັດຂ້ອຍຄືຊື່ສັດ ຫະເຈົ້າຄືຊື່ສັດ ຫາກພວກເຮົາມີເຈົ້າຢູ່ນໍາເຮົາຈະແຂ່ງຂັນເອົາຊະນະຫຍັງກັບໃຜໄດ້ເວົ້າແລ້ວກໍ່ຫັນຫົວຈາກໄປຢ່າງໄວວາໃນຂະນະທີ່ຊື່ສັດກໍາລັງສິ້ນຫວັງນັ່ງຄໍຕົກຢູ່ຢູ່ກໍ່ມີນ້ຳສຽງອັນເມດຕາດັງຂຶ້ນວ່າລູກເອີຍຂຶ້ນເຮືອເທາະ

ເມື່ອຊື່ສັດເງີຍຫນ້າຂຶ້ນເບິ່ງກໍ່ເຫັນຜູ້ເຖົ້າຜົມຂາວຄົນຫນຶ່ງຢືນຢູ່ເທິງເຮືອຂ້ອຍຄືຜູ້ເຖົ້າແຫ່ງການເວລາເປັນຫຍັງທ່ານຕ້ອງມາຊ່ວຍຂ້ອຍ ຊື່ສັດຖາມອອກໄປດ້ວຍຄວາມສົງໃສມີແຕ່ການເວລາເທົ່ານັ້ນທີ່ຮູ້ວ່າຊື່ສັດມີຄ່າຫຼາຍພຽງໃດຜູ້ເຖົ້າແຫ່ງການເວລາເວົ້າອອກໄປດ້ວຍຮອຍຍິ້ມເທິງທາງກັບຄືນຝັ່ງຜູ້ເຖົ້າແຫ່ງການເວລາໄດ້ເວົ້າກັບຄວາມສຸກຕໍາແຫນ່ງແຂ່ງຂັນທີ່ຕ່າງກໍ່ເຮືອຫຼົ່ມກາງທະເລວ່າເຈົ້າທັງຫຼາຍຈົ່ງຈື່ໄວ້ຫາກປາສະຈາກຊື່ສັດແລ້ວຄວາມສຸກຈະຢູ່ໄດ້ບໍ່ດົນຕໍາແຫນ່ງທີ່ໄດ້ມາກໍ່ເປັນຕໍາແຫນ່ງຈອມປອມການແຂ່ງຂັນກໍ່ຈະມີແຕ່ຈະລົ້ມເຫຼວບໍ່ເປັນທ່າ.

About admin

Check Also

ຂໍວອນໃຫ້ພາກສ່ວນກ່ຽວຂ້ອງ ແນະນຳວິທີຮັກສາໃຫ້ລາວແນ່

ຢາສັກ sinopharm ແລ້ວເປັນແນວນີ້ບອກແດ່ທ່ານໝໍ.ມີຄົນລາວ ຫລັງສັກວັກຊີນsinopharmມື້1-3ປວດໂຕ. ປວດກ້າມເນື້ອ ເຈັບຫົວ ພໍມື້ທີ4-5ກະເປັນຈັ່ງທີ່ເຫັນ ມີໃຜເປັນແບບນີ້ແນ່?ເຫັດໃດຈື່ງແຜ້ແບບນີ້ເນາະ. ທຸກຄົນຈົ່ງຊ່ວຍແຊ ໄປຫາຜູ້ຮູ້ ຫລື ທ່ານ ຫມໍ ຈົ່ງໃຫ້ທາງອອກໃຫ້ລາວເພື່ອປອດໄພຕໍ່ຊີວິດລາວແນ່…​ແຕ່ດີແທ້ ແອດ …

Leave a Reply

Your email address will not be published. Required fields are marked *