Breaking News

ສອງສ່ຽວລັກລົດ ຕິດຈີພີເອັດ ບໍ່ລອດຖືກ ຕິດຕາມຈັບຄາເຮືອນ ພ້ອມຂອງກາງ

+ ສອງສ່ຽວ ພົ້ນໂທດອອກຈາກຄຸກ ໄດ້ບໍ່ຮອດເດືອນ ກໍມາຮ່ວມກັນລັກລົດຈັກ, ແຕ່ໂຊກບໍ່ເຂົ້າຂ້າງ ລົດໄດ້ຕິດຈີພີເອັດ, ຈຶ່ງຖືກເຈົ້າໜ້າທີ່ ປກສ ຕິດຕາມໄປຈັບໄດ້ຄາເຮືອນ ພ້ອມຂອງກາງລົດຈັກ SUMERX ສີເທົາດໍາ ໝາຍເລກທະບຽນ ຕບ 8008 ກໍາແພງນະຄອນ.

+ ຄະດີລັກຊັບພົນລະເມືອງ ລາຍນີ້, ເກີດຂຶ້ນໃນວັນທີ 27 ທັນວາ 2020, ພາຍຫຼັງ ເຈົ້າໜ້າທີ່ ປກສເມືອງສີໂຄດຕະບອງ ໄດ້ຮັບແຈ້ງຄວາມຈາກຜູ້ເສຍຫາຍ ໃນເວລາປະມານ 16:30 ໂມງ ວ່າ ມີຄົນຮ້າຍລັກລົດຈັກ ທີ່ຈອດໄວ້ໜ້າຫ້ອງເຊົ່າ ຢູ່ບ້ານໜອງວຽງຄໍາ ເມືອງໄຊທານີ ນວ, ແລ້ວນຳເອົາລົດ ຈັກ ມາຊຸກເຊື່ອງໄວ້ພາຍໃນຂອບເຂດ ເມືອງສີໂຄດຕະບອງ ຈາກການຕິດຕາມຈີພີເອັດ ທີ່ຕິດຢູ່ໃນລົດ.

+ ຜ່ານການຕິດຕາມຈຸດພິກັດຂອງລົດ ຈາກຈີພີເອັດ ໃນເວລາ 17:00 ໂມງຂອງວັນດຽວກັນ, ກໍສາ ມາດກັກຕົວ ທ້າວ ສີວຽງຄໍາ ຫຼື ແຫຼ້ ອາຍຸ 37 ປີ ຢູ່ບ້ານໂພສີ ເມືອງສີໂຄດຕະບອງ ຢູ່ເຮືອນຂອງຜູ້ກ່ຽວ ພ້ອມລົດຈັກຄັນດັ່ງກ່າວ ແລະ ເຊົ້າມື້ຕໍ່ມາ,ກໍຕິດຕາມກັກຕົວ ຜູ້ທີ່ຖືກຊັດທອດໃນການຮ່ວມລັກລົດໄດ້ ຊື່ ທ້າວ ວິລະພອນ ຫຼື ໄກ່ ອາຍຸ 34 ປີ ຢູ່ບ້ານນາຄໍາ ເມືອງສີໂຄດຕະບອງ ໄປດໍາເນີນຄະ ດີຮ່ວມກັນ ໃນຂໍ້ຫາລັກຊັບພົນລະເມືອງ.

+ ເຈົ້າໜ້າທີ່ ປກສ ເມືອງສີໂຄດຕະບອງ ໃຫ້ຮູ້ວ່າ: ຜ່ານມາ, ພວກກ່ຽວ ເຄີຍຕ້ອງໂທດມາແລ້ວໃນຂໍ້ຫາລັກຊັບພົນລະເມືອງ ( ລົດຈັກ ) ໃນປີ 2017 ແລະ ຖືກສານຕັດສິນ 3 ປີ,ພາຍຫຼັງພົ້ນໂທດອອກມາ ໃນຕົ້ນເດືອນທັນວາ 2020, ພວກກ່ຽວ ກໍກັບມາເຄື່ອນໄຫວລັກຊັບພົນລະເມືອງອີກ.

About admin

Check Also

ຂໍວອນໃຫ້ພາກສ່ວນກ່ຽວຂ້ອງ ແນະນຳວິທີຮັກສາໃຫ້ລາວແນ່

ຢາສັກ sinopharm ແລ້ວເປັນແນວນີ້ບອກແດ່ທ່ານໝໍ.ມີຄົນລາວ ຫລັງສັກວັກຊີນsinopharmມື້1-3ປວດໂຕ. ປວດກ້າມເນື້ອ ເຈັບຫົວ ພໍມື້ທີ4-5ກະເປັນຈັ່ງທີ່ເຫັນ ມີໃຜເປັນແບບນີ້ແນ່?ເຫັດໃດຈື່ງແຜ້ແບບນີ້ເນາະ. ທຸກຄົນຈົ່ງຊ່ວຍແຊ ໄປຫາຜູ້ຮູ້ ຫລື ທ່ານ ຫມໍ ຈົ່ງໃຫ້ທາງອອກໃຫ້ລາວເພື່ອປອດໄພຕໍ່ຊີວິດລາວແນ່…​ແຕ່ດີແທ້ ແອດ …

Leave a Reply

Your email address will not be published. Required fields are marked *