ຂ່າວດ່ວນ

ສປ ຈີນຕັດສິນປະຫານຊີວິດ ອະດີດຫົວໜ້າຝ່າຍການເງິນ ຂໍ້ຫາສໍ້ລາດບັງຫຼວງ

ສປ ຈີນ ​ໄດ້​ຕັດສິນ​ໂທດ​ປະຫານ​ຊີວິດ​ແກ່​ອະດີດ​ປະທານ​ບໍລິສັດ China Huarong Asset Management Co. ​ໃນ​ຂໍ້​ສຸ​ຈະລິດ ​ເຊິ່ງ​ເປັນ 1 ​ໃນ​ການ​ພິພາກສາ​ຮຸນ​ແຮງ​ທີ່​ສຸດ ​ເນື່ອງ​ຈາກ​ການ​​ເດີນ​ໜ້າ​ຕໍ່ຕ້ານ​ການ​ສຸ​ຈະລິດ​ຂອງ​ປະທານ​ປະ​ເທດ ສີ​ຈິ້ນຜິ​ງ.ທ່ານ Lai Xiaomin ​ເຊິ່ງດຳລົງ​ຕຳ​ແໜ່​ງປະທານ Huarong ກ່ອນ​ຈະ​ຖືກ​ສອບ​ສວນ​ໃນ​ປີ 2018 ​ໄດ້​ຖືກ​ຕັດສິນ​ປະຫານ​ຊີວິດ​ໃນ​ຂໍ້​ຫາ​ຮັບ​ສິນ​ບົນ​ຈຳນວນ 1,79 ພັນ​ລ້ານ​ຢວນ (277 ລ້ານ​ໂດ​ລາ) ​ໃນ​ລະຫວ່າງ​ປີ 2008 ​ແລະ 2018 ຕາມ​ທີ່​ການ​ພິຈາລະນາ​ຄະດີ​ຂອງ

ສານ​ເມືອງ​ທຽນ​ຈິນກ່າວ ​ແລະ ຊັບ​ສິນ​ສ່ວນ​ບຸກຄົນ​ທັງ​ໝົດ​ຂອງ​ທ່ານ​ຈະ​ຖືກ​ຢຶດ.ການ​ລົງ​ໂທດ​ປະຫານ​ຊີວິດ​ຖື​ເປັນ​ເລື່ອງ​ຜິດ​ປົກກະຕິ​ສຳລັບ​ຂໍ້​ຫາ​ສໍ້​ລາດ​ບັງ​ຫລວງ​ໃນ​ປະ​ເທດ​ຈີນ, ​ເຖິງ​ວ່າ​ອະດີດ​ຮອງ​ເຈົ້າ​ເມືອງ​ໃນ​​ແຂວງ​ຊານ​ຊີ​ຈະ​ເຄີຍ​ຖືກ​ຕັດສິນ​ປະ​ຫານ​ຊີວິດ​ໃນ​ປີ 2018 ​ແລະການ​ເຄື່ອນ​ໄຫວ​ດັ່ງກ່າວ​ເປັນ​ການ​ເນັ້ນ​ເຖິງ​ຈຸດ​ຢືນ​ທີ່​ແຂງ​ແກ່ນ​ຂອງ​ພັກ​ກອມ​ມູນິດ​

ໃນ​ເລື່ອງ​ການ​ສໍ້​ລາດ​ບັງ​ຫລວງ​ໃນ​ລັດຖະບານ ​ແລະ ຜູ້​ບໍລິຫານ​ອົງການ ​ເຊິ່ງມີ​ເຈົ້າໜ້າ​ທີ່​ຂອງ​ລັດ​ຫລາຍ​ກວ່າ 1,5 ລ້ານ​ຄົນ​ຖືກ​ລົງ​ໂທດ. ​ເຖິງ​ຢ່າງ​ໃດ​ກໍ​ຕາມ, ນັບ​ແຕ່​ປີ 2016 ທີ່​ຈີນ​ໄດ້​ເພີ່ມ​ກົດ​ເກນ​ການ​ລົງ​ໂທດ​ປະຫານ​ຊີວິດ​ທີ່​ກ່ຽວຂ້ອງ​ກັບ​ການ​ສໍ້​ລາດ​ບັງ​ຫລວງ​ເປັນ 3 ລ້ານ​ຢວນຈາກ 100.000 ຢວນ, ​ແຕ່​ພວກ​ເຂົາ​ເກືອບ​ບໍ່​ມີ​ການ​ໃຊ້​ບົດ​ລົງ

ໂທດ​ດັ່ງກ່າວ​ເລີ​ຍຈົນ​ມາ​ຮອດ​ປີ 2018.ສານ​ກ່າວ​ໃນ​ຖະ​ແຫລ​ງ​ການ​ວັນ​ທີ 5 ມັງກອນ​ວ່າ: ພຶດຕິ​ກຳ​ຂອງ Lai ຖື​ເປັນ​ໄພ​ຕໍ່​ຄວາມ​ໝັ້ນຄົງ​ທາງ​ການ​ເງິນ ​ແລະ ສະຖຽນ​ລະ​ພາບ​ທາງ​ການ​ເງິນ​ຂອງ​ປະ​ເທດ, ​ເຖິງ​ວ່າການ​ໃຫ້ການ​ຮ່ວມ​ມື​ທີ່​ສຳຄັນຂອງ​ລາວ​ໃນ​ການ​ໃຫ້​​ເບາະ​ແສ​ກ່ຽວ​ກັບ​ຄວາມ​ຜິດ​ທາງ​ອາຍາ​ກໍ​ບໍ່​ພຽງພໍ​ຈະ​ໄດ້​ຮັບ​ການ​ຜ່ອນ​ໂທດ.Lai ​ເຄີຍ​ເຮັດ​ວຽກ​ຢູ່​ທະນາຄານ​ກາງ ​ແລະ ໜ່ວຍ​ງານ​ເບິ່ງ​ແຍງ​ດ້ານ​ການ​ທະນາຄານ​ຂອງ​ຈີນ.

ກ່ຽວກັບ admin

ກວດສອບຍັງ

ປະທານາທິບໍດີລັດເຊຍ ກ່າວວ່າ ວັດຊີນປ້ອງກັນໂຄວິດ ຂອງລັດເຊຍດີທີ່ສຸດໃນໂລກ

ລາຍງານຂ່າວຈາກຕ່າງປະເທດວັນທີ 16 ມັງກອນນີ້ ໃຫ້ຮູ້ວ່າ ປະທານາທິບໍດີ ປູຕີນ ກ່າວວ່າ ວັກຊີນປ້ອງກັນໂຄວິດ-19 ຂອງລັດເຊຍ ດີທີ່ສຸດໃນໂລກ. ໃນກອງປະຊຸມວັນທີ 13 ມັງກອນ ທ່ານ ປູຕິນຊີ້ນຳໃຫ້ຄະນະລັດຖະບານວ່າ …

Leave a Reply

Your email address will not be published. Required fields are marked *