Breaking News

ລະວັງແດ່ເດີພີ່ນ້ອງ ອາກາດຈະໜາວລົງອີກ ອຸຕຸແຈ້ງເຕືອນ

ບອກຕໍ່ໆກັນແດ່ເດີ ພີ່ນ້ອງ, ອຸຕຸແຈ້ງເຕືອນອີກຄັ້ງ ໄລຍະວັນທີ 9-10 ມັງກອນ 2021 ອຸນຫະພູມອາກາດ ຈະກັບມາໜາວເຢັນລົງອີກ 1-3 ອົງສາ.

ກົມອຸຕຸນິຍົມ ແລະ ອຸທົກກະສາດ ຄາດສະພາບອາກາດໄລຍະວັນທີ 4 – 10 ມັງກອນ 2021 ວ່າ: ໄລຍະວັນທີ 04 – 08 ມັງກອນ ມວນອາກາດເຢັນຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງປານກາງ, ສົມທົບກັບລົມຕາເວັນອອກສ່ຽງເໜືອພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ອາກາດອຸ່ນຂຶ້ນ 2 ຫາ 4 ອົງສາ ຢູ່ທົ່ວໄປໃນແຕ່ລະພາກ, ແຕ່ສະພາບອາກາດຍັງໜາວເຢັນຫຼາຍຢູ່ແຂວງພາກເໜືອ, ເຂດພູສູງ ແລະ ພູດອຍ,ແຂວງໄຊສົມບູນ ແລະ ເຂດພູພຽງບໍລິເວນ ພ້ອມມີໝອກໜາປົກຫຸ້ມຢູ່ທົ່ວໄປໃນຕອນກາງຄືນ ຫາ ຕອນເຊົ້າ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖີ່ນ.

ຈາກນັ້ນ ວັນທີ 09 – 10 ມັງກອນ ມວນອາກາດໜາວເຢັນຈາກປະເທດຈີນຈະມີກຳລັງແຮງເພີ່ມຂື້ນ ແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ ສົມທົບກັບລົມມໍລະສຸມຕາເວັນອອກສ່ຽງເໜືອທີ່ມີກຳລັງແຮງພັດປົກຄຸມເປັນສ່ວນໃຫຍ່. ຊຶ່ງຈະເຮັດໃຫ້ອຸນຫະພູມອາກາດໜາວເຢັນລົງຕື່ມອີກ 1 ຫາ 3 ອົງສາ ຢູ່ເຂດພູສູງ, ພູດອຍ ແລະ ຮ່ອມພູ ເຊັ່ນ: ບັນດາແຂວງ ພາກເໜືອ, ແຂວງໄຊສົມບູນ ແລະ ເຂດພູພຽງບໍລະເວນອາກາດຈະໜາວເຢັນຫຼາຍ ພ້ອມມີຝົນຕົກຄ່ອຍເປັນບາງໂອກາດ. ສ່ວນຢູ່ພາກກາງ ແລະ ພາກໃຕ້ ອາກາດຈະເຢັນ ຫາ ໜາວເຢັນພ້ອມມີໝອກບາງປົກຫຸ້ມໃນຕອນເຊົ້າຢູ່ທົ່ວໄປໃນແຕ່ລະພາກ.

About admin

Check Also

ແຊຣ໌ເຕືອນ ໃຫ້ລະວັງ​ແດ່ເດີ້​ ເກີດເຫດ ງູທຳທານ ຕອດຄົນ ເສຍຊີວິດ

ນີ້ຄືເຫດການຫນຶ່ງທີ່ຫນ້າເສົ້າ ເພາະໃນຊ່ວງໂຄວິດ ແລະ ຊ່ວງກັກຕົວ ລ່າສຸດ ໃນສື່ເຟສບຸກ ມີຜູ່ຍິງຄົນຫນຶ່ງ ເຂົາລົງ ຂໍ້ມຸນເອົາໃວ້ ເລື່ອງ ລາວຫນ້າເສົ້າ ແລະຫນ້າສົນໃຈ ເລື່ອງລາວ ຄືງູພິດຮ້າຍທໍາລາຍຊີວິດນ້ອງຊາຍເອື້ອຍບັກຫຼ້າເອີຍ ອີ່ຕົນເຈົ້າເດ …

Leave a Reply

Your email address will not be published. Required fields are marked *