Breaking News

ຄຳເຕືອນຈາກພຣະອາຈານ ບຸນຊຸ່ມຝາກໃຫ້ໝັ່ນຈະເລີນພາວະນາ

ຍັງຈື່ກັນໄດ້ບໍພຣະອາຈານບຸນຊຸ່ມ ພຣະຊື່ດັງຈາກມຽນມາທີ່ຕອນນັ້ນທີມເສືອປ່າຫຼົງຖ້ຳດົນນານ ແລະເພິ່ນທຳນາຍຖືກເມັ້ນຢຳສຸດ ຈົນເປັນທີ່ຮູ້ຈັກກັນຢ່າງກວ້າງຂວາງຂຶ້ນກວ່າເກົ່າຈາກທີ່ມີຄົນສັດທາເພິ່ນຢູ່ແລ້ວ! ຫຼ້າສຸດພຣະອາຄານບຸນຊຸ່ມໄດ້ຂຽນຈົດໝາຍເຖິງລູກສິດຂອງຕົນໃຫ້ພ້ອມພາກັນສູດມົນພາວະນາໃຫ້ທານສິນ ອີກບໍ່ນານບ້ານເມືອງຈາກພົ້ນໄພຈາກພະຍາດໂລຄາອັນໃຫຍ່ຫຼວງນີ້.

ໂດຍພຣະອາຈານບຸນຊຸ່ມ ຍານສໍວະໂຣ ຕອນນີ້ຍັງປະຕິບັດກຳມະຖານບຳເພັນພາວະນາໃນຖ້ຳແຫ່ງໜຶ່ງຢູ່ເມືອງແກັດ ລັດສານຂອງມຽນມາມາໄດ້ເກືອບ 1 ປີ ແລະຈົດໝາຍທີ່ວ່ານັ້ນແມ່ນສົ່ງໃຫ້ລູກສິດລູກຫານຳອອກມາຝາກຕໍ່ໃຫ້ລູກສິດຂອງເພິ່ນທີ່ຢູ່ທາງນອກໃຫ້ຮ່ວມແຮງຮ່ວມໃຈກັນປະຕິບັດ.

ໃນເນື້ອໃນຈົດໝາຍລະບຸວ່າ: ປີທັມ 2564 ເດືອນຫົກມົນ ກົງກັບ ພສ 2563 ຖ້ຳແກັດ 7 ເມສາ 2020 ພຣະຄູບາພໍ່ສິນລະທຳບຸນຊຸ່ມ ຍານສໍວະໂຣ ຂໍເມດຕາເຖິງຄະນະສັດທາລູກສິດທັງຫຼາຍໄດ້ຮູ້ວ່າພຣະຄູບາພໍ່ຢູ່ດີມີສຸດ ປະຕິບັດທຳພາວະນາກໍ່ດີຂຶ້ນເລື້ອຍໆບໍ່ມີເລື່ອງທຸກໃຈອັນໃດ ປະຕິບັດສາຍກາງມີສະຕິຢູ່ທຸກຂະນະ ໄດ້ຂຽນທຳມະອອກມາເຜີຍແຜ່ໃຫ້ແກ່ສາທຸຊົນໄດ້ປະຕິບັດໃຫ້ຮູ້ເຖິງປະລິບນິພານ.

ອັນວ່າປີນີ້ເປັນປີຄົນທັ້ງຫຼາຍໃນໂລກເປັນໂຣກກ່ຽວກັບປອດ ປອດເນົ່າ ປອດເຈັບເສຍຊີວິດມາກມາຍເປັນແສນເປັນລ້ານໃນໂລກໜ້າເວດທະນາສົງສານຄົນ ແລະສັດທັງຫຼາຍ ອີກ 5 ປີອາຍຸຂອງພຣະພໍ່ຄູບາບຸນຊຸ່ມຈະເຖິງ 60 ແລ້ວ ຈິ່ງມີຄວາມສົງສານຄົນໃນໂລກນີ້ເປັນທີ່ສຸດ.

ເຮົາໄດ້ແຜ່ເມດຕາພາວະນາທຸກວັນອະທິຖານໃຫ້ພົ້ນໂຣກຮ້າຍນີ້ໃຫ້ຫາຍໄວໆ ແລະເຮົາພຣະຄູບາພໍ່ບຸນຊຸ່ມຂໍເມດຕາພາວະນາສັດທາລູກສິດທັງຫຼາຍໃຫ້ມີສະຕິມີທຳມະຢູ່ຕະຫຼອດໃຫ້ພາກັນມີນ້ຳໃຈດີ ແລະເຄົາລົບນັບຖືພຣະຣັດຕະນະໄຕຣ ພໍ່ແມ່ຄູບາອາຈານໃຫ້ເວັ້ນຈາກການທຳບາບອະກຸສົນ ໃຫ້ເຮັດສິ່ງທີ່ດີມີສິນທຳຫຼາຍໆທຳໃຈໃຫ້ຂາວໃສບໍລິສຸດ ໃຫ້ພາກັນໄວ້ພະສູດມົນແຜ່ເມດຕາພາກັນໃຫ້ທານຮັກສາສິນພາວະນາ ອີກບໍ່ດົນກໍ່ຈະພົ້ນໂຣກໄພອັນໃຫຍ່ຫຼວງນີ້.

About admin

Check Also

​ຂໍທຸກຄົນຊ່ວຍແຊ ຖ້າໃຜເຫັນລູກສາວຂ້ອຍ ຊ່ວຍແຈ້ງໃຫ້ແນ່..​ເປັນຫວ່ງຫລາຍ

#ປະກາດຕາມຫາຄົນຫາຍຕົວ ຜູ້ກ່ຽວມີຊື່ວ່າ:ນາງ ມີ ຫວາ ອາຍຸ 25 ປີຢູ່ບ້ານນໍ້າພອນ, ເມືອງພຽງ ແຂວງໄຊຍະບູລີ #ຜູ້ກ່ຽວເປັນຄົນປາກກືກ ໄດ້ຫາຍຕົວໄປໃນວັນທີ່ 9/5/2021 ເວລາ 21:30 ນາທີ …

Leave a Reply

Your email address will not be published. Required fields are marked *