ຂ່າວດ່ວນ

ເຊົາສູບຢາເລີ່ມໄດ້ທີ່ 20 ນາທີທຳອິດບໍ່ຍາກຢ່າງທີ່ຄິດ !

ຢາສູບກໍ່ເຫມືອນກັບສຸລາເປັນອະບາຍຍະມຸກຢ່າງຫນຶ່ງທີ່ເຮັດໃຫ້ສູນເສຍສຸຂະພາບແລະຊັບສິນເຖິງຈະມີຜໄນກະທົບຕໍ່ຄົນຮອບຂ້າງທີ່ບໍ່ຮ້າຍແຮງເທົ່າກັບເມົາແລ້ວຂັບແຕ່ໃນໄລຍະຍາວຢາສູບມືສອງຫລືຄັວນຢາສູບທີ່ເຈົ້າສິບໄປໂດຍທີ່ຄົນອື່ນຕ້ອງທົນດົມກິ່ນຢ່າງບໍ່ເຕັມໃຈກໍ່ສົ່ງຜົນເສຍຕໍ່ພວກເຂົາໄດ້ຫລາຍແລະຮຸນແຮງກວ່າຄົນສູບເສີຍດ້ວຍຊ້ຳ
ໃນຂະນະທີ່ເຈົ້າສູບດ້ວຍຄວາມຮູ້ສຶກດີຄາຍຄຽດເ້ຈົ້າອາດຍັງບໍ່ເຫັນຄວາມສົກກະປົກຂອງອະໄວຍະວະພາຍໃນໃນຂະນະທີ່ເຈົ້າສູບຢ່າງສະບາຍອາລົມໃນທີ່ສາທາລະນະຫລາຍຄົນທີ່ຜ່ານໄປມາຕ້ອງຮັບສານພິດແລະເສຍສຸຂະພາບໂດຍບໍ່ເຕັມໃຈ

ໃນຂະນະທີ່ເຈົ້າຄິດວ່າມັນເປັນເລື່ອງສ່ວນຕົວຂອງເຈົ້າຍັງມີຄົນທີ່ເຈົ້າຮັກກຳລັງຕ້ອງການໃຫ້ເຈົ້າຢູານຳກັນດົນໆຍັງມີຄົນອີກຫລາຍໃນທີ່ສາທາລະນະທີ່ກຳລັງປິດປາກປິດດັງຫາທາງຫລີກລ້ຽງການດົມສູດຄວັນເພື່ອປ້ອງກັນຕົວເອງຈາກຢາສູບມືສອງ
ໃນຂະນະທີ່ເຈົ້າສູບໃນໂຊນສະເພາະເພື່ອບໍ່ລົບກວນຄົນໃກ້ຊິດຄວັນທີ່ຕິດຕາມເສື້ອຜ້າເນື້ອຕົວເຈົ້າກໍ່ທຳຮ້າຍຄົນທີ່ກອດເຈົ້າໄດ້
ໃນຂະນະທີ່ເຈົ້າຍອມຈ່າຍຄ່າຢາສູບຊອງຫນຶ່ງກໍ່ເທົ່າກັບວ່າເຈົ້າຍອມຊື້ມະເຮັງເຂົ້າຫາຕົວເອງແລະສານພິດຍັກຍຽດຄົນອ້ອມຂ້າງ

ໃນເມື່ອມັນມີຂໍ້ເສຍຫລາຍກວ່າຂໍ້ດີມັນກໍ່ເຖິງເວລາທີ່ເຈົ້າຈະພິຈາລະນາຢ່າຖ້າໃຫ້ຮອດວັນງົດສູບຢາຫລືວັນທີ່ເປັນໂລກຮ້າຍແຮງຄ່ອຍເຊົາຄວນເລີກເສຍແຕ່ມື້ນີ້ເພື່ອສຸຂະພາບຂອງຕົນເອງເພື່ອຈະໄດ້ບໍ່ເສຍມາລະຍາດໃນທີ່ສາທາລະນະແລະເພື່ອຈະໄດ້ຢູ່ກັບຄົນທີ່ຮັກໄປດົນໆເຈົ້າເຮັດໄດ້ບໍ່ຍາກຢ່າງທີ່ຄິດ
ແລະນີ້ຄືຄວາມປ່ຽນແປງໂດຍປະມານທີ່ຢາກຫ້ເຈົ້າລອງພິສູດຫາກວ່າເຈົ້າຫລືຄົນໃກ້ຕົວເປັນສິ່ງຫອມຄວັນໃນຂະນະນີ້
20ນາທີຜ່ານໄປອຸນຫະພູມໃນຮ່າງກາຍລະບົບໄຫລວຽນໂລຫິດຈະເຂົ້າສູ່ພາວະປົກກະຕິສັງເກດໄດ້ຕາມມືຕີນຈະຊີດນ້ອຍລົງສັ່ນນ້ອຍລົງ

8ຊົ່ວໂມງຜ່ານໄປສານນີໂຄດິນຈະເຈືອຈາງລົງ93,25%
12ຊົ່ວໂມງຜ່ານໄປອົກຊີແຊນໃນຮ່າງກາຍຈະເພີ່ມຂຶ້ນສານຄາບອນໄດອອກໄຊຈາກຢາສູບລົດລົງເຮັດໃຫ້ຮູ້ສຶກສົດສື່ນ
24ຊົ່ວໂມງຜ່ານໄປຫລັງຈາກທີ່ເຊົາສູບຢາຢ່າງຕໍ່ເນື່ອງເຈົ້າຈະຮູ້ສຶກແປກໃຈທີ່ຜ່ານຂ້າມວັນຄືນມາໄດ້ໂດຍບໍ່ຕ້ອງສູບຢາ
48ຊົ່ວໂມງຜ່ານໄປລະບົບທາງເດີນຫາຍໃຈກັບເຂົ້າສູ່ພາວະປົກກະຕິການສູດດົມກິ່ນດີຂຶ້ນສົດຊື່ນກວ່າເກົ່າ

72ຊົ່ວໂມງຜ່ານໄປຮ່າງກາຍຂອງເຈົ້າຈະບໍ່ຫລົງເຫລືອນິໂຄດິນອີກເລີຍ100%ແຕ່ຍັງຢູ່ໃນຊ່ວງຊີ້ເປັນຊີ້ຕາຍເພາະມີຄວາມຮູ້ສຶກຢາກສູບຢູ່ແນ່ອາດຈະລົດປະລິມານການສິບຫລືບໍ່ກໍ່ເລີກແບບຫັກດິບໄປເລີຍຫາກໃນໄລຍະເວລາ3ເດືອນເຈົ້າສາມາດລົດແລະເຊົາໃຫ້ເດັດຂາດພາວະສ່ຽງຕໍ່ໂລກຫົວໃຈແລະປອດຈະລົດລົງຍິ່ງເສີມດ້ວຍການອອກກຳລັງກາຍໃຫ້ປອດແລະຫົວໃຈເຮັດວຽກໄດ້ດີຂຶ້ນມີສຸຂະພາບແຂງແຮງຢ່າງສະຫມ່ຳສະເຫມີເຈົ້າຈະຮູ້ສຶກໄດ້ເຖິງຄວາມສົດຊື່ນບໍ່ງ່ວງຊຶມຜິວພັນຜ່ອງໃສດູດີຂຶ້ນຢ່າງເຫັນໄດ້ຊັດ

ຫາກເຈົ້າບໍ່ສາມາດເຊົາດ້ວຍຕົນເອງໄດ້ເຈົ້າສາມາດຂໍຄຳປຶກສາໄດ້ຕາມຄີນິກຫລືໂຮງຫມໍໃກ້ບ້ານການສູບຢາບໍ່ແມ່ນການກະທຳເຖິງກັບຊົ່ວຮ້າຍໃນແງ່ສິນທຳແຕ່ເພື່ອສຸຂະພາບເພື່ອຊີວິດການເຊົາສູບຢາຄືພາລະກິດທີ່ເຈົ້າຄວນເຮັດເປັນຢ່າງຍິ່ງ

ກ່ຽວກັບ admin

ກວດສອບຍັງ

ແຊ​ໄວ້! ຮາກຕົ້ນຢາງຮາກຫອມ,ເຄຶອຢາງນົມ ​ຊ່ວຍ​ບຳ​ລຸງກຳລັງທ່ານຊາຍ, ຂັບສານພິດອອກຈາກຮ່າງກາຍໃຫ້ແມ່ລຸກອ່ອນ

ສະບາຍດີຫມູ່ເພື່ອນທີ່ຮັກແພງມື້ນີ້ເຮົາມີຄວາມຮູ້ດີໆກ່ງວກັບພຶດພື້ນບ້ານເຮົາທີ່ເກິດຢູ່ຕາມຮົ້ວຕາມສວນແລະ ເກິດຕາມພື້ນທີ່ເປົ່າຫ່ວາງຕາມຮົ້ວເຮືອນຂອງພວກເຮົາ ແລະ ຕາມປ່າທີ່ມີຊື່ຮ້ອງແຕກຕ່າງກັນໄປເຊັ່ນ ເຄືອສົງ,ເຄືອຕົ້ນຢາງຮາກຫອມ,ເຄຶອຢາງນົມ ລັກສະນະຂອງເຄືອແມ່ນຈັດເປັນພຶດລົ້ມລຸກຕົ້ນຈະກ້ງວຂື້ນຕາມພຶດອ້ອມຂ້າງຫລືເພື່ອໄປຮັບແສງແດດລຳຕົ້ນມີສີແດງໃບມີຮູບເປັນຮູບໃຂ່ໃບແຫລມຍາວປະມານ5-15 ເຊັນມີສີຂງວໃບມີຂົນອ່ອນໆທີ່ເກິດຕາມເຄືອຈົນຮອດຍອດເຊີ່ງສຸງເຖີງ 1- 40 ແມັດແລ້ວແຕ່ສະພາບແວດລ້ອມການເຕິບໂຕມີນໍ້າຢາງສີຂາວຕາມຕົ້ນໃບຈົນຮອດຍອດຕົ້ນເຄືອປະສົງນີ້ແມ່ນເກິດຢູ່ທຸກປະເທດຂອງທະວິບອາຊີເພາະວ່າກະຂະຫຍາຍພັນແມ່ນຂະຫຍາຍດ້ວຍແກ່ນເມື່ອຫມາກມັນແກ່ແລ້ວມັນຈະແຕກອອກມີຂົນສີຂາວຢູ່ທາງໄນແກ່ນຄືຂົນໄກ່ປີວໄປຕາມກະແສລົມສະນັ້ນຈື່ງເຮັດໃຫ້ການຂະຫຍາຍພັນແມ່ນໃປໄກເຖີງ3-10 ກິໂລແມັດແລ້ວແຕ່ແຮງລົມດອກມີສີມ່ວງນ້ອຍໆຍາວປະມານ 3-4 ມີລີແມັດ ດອກເປັນດອກຍ່ອຍປະມານ 20 …

Leave a Reply

Your email address will not be published. Required fields are marked *