ຂ່າວດ່ວນ

ຫມາກຂາມ ຊ່ວຍປົວຕັບອັກເສບ

ຕົ້ນໝາກຂາມເປັນໄມ້ຢືນຕົ້ນ, ສູງ 15-30 ແມັດ, ຮົ່ມຕົ້ນກວ້າງ, ໃບປະສົມ ຫຼື ປະສົມຂົນໄກ່ຄູ່, ຍາວປະມານ 8-10 ຊມ, ປະກອບດ້ວຍ 10-20 ຄູ່, ໃບຂອບຂະໜານ, ສອງສົນກົມ, ຍາວປະມານ 20 ມິນລີແມັດ, ກວ້າງປະມານ 2 ມມ, ດອກເປັນສີຂາວຈາງມີຈໍ້າແດງ, ເປັນຈູ້ມດຽວຢູ່ຫວ່າງໃບ ຫຼື ຢູ່ຍອດງ່າ. ໝາກຍາວຫ້ອຍລົງ, ສີເປໆແດ່ເລັກໜ້ອຍ, ໜ່ວຍຍາວແຕ່ 7-10 ມມ, ກວ້າງປະມານ 25 ມມ, ໜາປະມານ 10 ມມ. ເປືອກນອກແຂງ, ບາງ, ຜ່ອຍ, ເປືອກຫຸ້ມແກ່ນ (ເປືອກກາງ) ໜຸ້ມ, ມີໄຍ, ລົດສົ້ມ, ເປັນສີກະເບົາ, ມີ 1-5 ແກ່ນ, ແກ່ນເຫຼື້ອມ, ສີກະເບົາຊໍ້າ.

ໝາກຂາມແມ່ນມີຄຸນປະໂຫຍດ ແລະ ຄຸນຄ່າທາງດ້ານອາຫານຕໍ່ຄົນເຮົາສູງເຊີ່ງສາມາດຮັບປະທານໄດ້ທັງໝາກສຸກ ແລະ ໝາກດີບ. ນອກນີ້ຍັງສາມາດແປເປັນອາຫານໄວ້ກີນດົນນານເຊັ່ນ: ເຮັດກວນໝາກຂາມ, ສ່ວນໃບ, ດອກ, ຮາກ ແລະ ລຳຕົ້ນຍັງສາມາດປຸງແຕ່ງເປັນຢາປົວພະຍາດອື່ນໆ. ສ່ວນທີ່ເປັນຢາ: ນວນໝາກ, ເປືອກ, ລຳຕົ້ນ, ແກ່ນ ແລະ ໃບ. ນໍ້າໝາກຂາມເປັນຢາປົວໄຂ້, ປົວພະຍາດກ່ຽວກັບຕັບອັກເສບ, ຊ່ວຍລະລາຍອາຫານ ມື້ໜຶ່ງກິນ 20-120 ກຼາມ, ອາຍຸ 12 ປີ 10-30 ກຼາມ. ແກນໄມ້ໝາກຂາມເປັນຢາຊ່ວຍລະລາຍ, ຂັບປັດສະວະ. ເປືອກລຳຕົ້ນ ເປັນຢາປົວທ້ອງບິດ, ຖອກທ້ອງເປັນຕົ້ນກາງປົວແຜ, ໄຟໂປກນໍ້າຮ້ອນລວກ, ຕ້ານອັບເສບຜົ້ງປາກ. ໃບໝາກຂາມຕົ້ມອາບປົວພະຍາດຜິວໜັງ: ຂີ້ຫິດ, ຂີ້ກາກ.

ກ່ຽວກັບ admin

ກວດສອບຍັງ

10 ອັນດັບມະຫາເສດຖີລວຍທີ່ສຸດໃນໂລກ ປະຈຳປີ 2021 ຈາກການຈັດອັນດັບໂດຍວາລະສານ Forbes

​ເຈ​ຟ ​ເບ​ຊໍ​ສ ຍັງ​ຮັກສາ​ຕຳ​ແໜ່​ງມະຫ​າ​ເສດຖີ​ລວຍ​ທີ່​ສຸດ​ໃນ​ໂລກ​ເປັນ​ປີ​ທີ 4 ຕິດ​ຕໍ່​ກັນ ມີ​ຊັບ​ສິນ 1,77 ​ແສນ​ລ້ານ​ໂດ​ລາ​ສະຫະລັດ, ຮອງ​ລົງ​ມາ​ຄື ອີ​ລອນ ມັສ ທີ່​ຫຸ້ນ​ເທສລາ​ສົ່ງ​ໃຫ້​ຊັບ​ສິນ​ຂອງ​ລາວ​ເພີ່ມ​ຂຶ້ນຕໍ່​ເນື່ອງ​ຈົນ​ເຂົ້າມາ​ນັ່ງ​ແທ່ນ​ມະຫາ​ເສດຖີ​ອັນ​ດັບ 2 ຂອງ​ໂລກ ​ໂດຍ​ລາວ​ມີ​ຊັບ​ສິນ …

Leave a Reply

Your email address will not be published. Required fields are marked *