ຂ່າວດ່ວນ

ພືດເປັນຢາ ພູມປັນຍາລາວ

ພູມປັນຍາກ່ຽວກັບການໃຊ້ສະໝຸນໄພພື້ນເມືອງໃນການເບິ່ງແຍງສຸຂະພາບນັບເປັນຄວາມຮູ້, ຄວາມເຊື່ອທີ່ທ້ອງຖິ່ນໄດ້ສະສົມ, ຄວາມສະຫຼາດສະຫຼຽວທີ່ສືບທອດກັນມາຈາກປູ່ຍ່າຕາຍາຍ ໃນການໃຊ້ສະໝຸນໄພ ຫຼືພືດເປັນຢາຂອງຄົນສະໄໝກ່ອນຖືເປັນເຄື່ອງມືສຳຄັນຢ່າງຍິ່ງໃນການປ້ອງກັນ ແລະ ແກ້ບັນຫາສຸຂະພາບ

ເນື່ອງຈາກປູ່ຍ່າຕາຍາຍຂອງພວກເຮົາມີຄວາມຕິດພັນ ແລະເພິ່ງພາອາໄສທຳມະຊາດເກືອບທຸກດ້ານຈົນກາຍເປັນປັດໄຈສີ່ໃນການດຳລົງຊີວິດ, ພືດຜັກບາງຊະນິດເປັນໄດ້ທັງອາຫານທີ່ມີຄຸນຄ່າທາງໂພຊະນາການ ແລະເປັນທັງຢາປົວພະຍາດ ໄດ້ຖືກນຳເອົາມາປູກໄວ້ແຄມຮົ້ວແຄມສວນ ຫຼື ກາຍເປັນພືດຜັກສວນຄົວຢ່າງທີ່ພົບເຫັນເທົ້າຈົນຮອດທຸກມື້ນີ້.

ພູມປັນຍາອັນລ້ຳຄ່າຂອງທ້ອງຖິ່ນທີ່ເກີດຈາກຄວາມສາມາດຈຳແນກລິດ ແລະ ສັບພະຄຸນຂອງພືດ ໃນທຳມະຊາດ ເພື່ອນຳໃຊ້ໃນການຢຽວຢາຮັກສາອາການເຈັບໄຂ້ໄດ້ປ່ວຍ, ເຖິງແມ່ນວ່າຄວາມສີວິໄລທາງວິທະຍາສາດຈະສ້າງໃຫ້ມີການຜະລິດຢາປົວພະຍາດ ຫຼືວັກຊີນຕ່າງໆທີ່ທັນສະໄໝ ແຕ່ສັງຄົມລາວພວກເຮົາກໍບໍ່ໄດ້ປະຖິ້ມພູມປັນຍາການນຳໃຊ້ຢຸກຢາທຳມະຊາດ ແລະທີ່ເຫັນຢ່າງປະຈັກຕາກໍຄື ການຢູ່ໄຟ ຫຼືນັ່ງກຳ.

ການນຳໃຊ້ສະໝຸນໄພພື້ນເມືອງໃນການເພື່ອບຳບັດບໍ່ສະເພາະແຕ່ແມ່ຍິງເກີດລູກໃໝ່ເທົ່ານັ້ນ ຄົນທົ່ວໄປຍັງໃຫ້ຄວາມສົນໃຈກັບການຮົມຢາເພື່ອຜ່ອນຄາຍຄວາມອິດເມື່ອຍ, ເພື່ອຂັບທາດເບື່ອໃນຮ່າງກາຍ ແລະ ຄວາມສວຍງາມ, ການໃຊ້ສະໝຸນໄພທຳມະຊາດມາເປັນຜະລິດຕະພັນບຳລຸງຜິວພັນ.

ສາດການແພດພື້ນເມືອງລາວ ຖືເປັນມໍລະດົກວິຊາທີ່ຕົກທອດຈາກຮຸ່ນສູ່ຮຸ່ນ ແລະເປັນທີ່ຍອມຮັບມາຕັ້ງແຕ່ໃດມາວ່າສາມາດປີ່ນປົວບາງພະຍາດໄດ້ດີເຊັ່ນດຽວກັບຢາຫຼວງ.

ມີຜູ້ຊ່ຽວຊານດ້ານວິຊາການຢາພື້ນເມືອງ ຫຼື ເອີ້ນວ່າ ໝໍຢາພື້ນເມືອງ, ໃນປະເທດລາວແຕ່ເໜືອຕະຫຼອດໃຕ້ , ບັນດາເຜົ່າຕ່າງໃນທ້ອງຖິ່ນ ກໍລ້ວນແຕ່ມີຕໍາລາ ແລະ ໝໍຢາສະເພາະຖິ່ນຢ່າງຫຼວງຫຼາຍພາຍມາກ, ແຕ່ທີ່ໜ້າເປັນຫ່ວງ ແມ່ນມາທຸກຮອດທຸກມື້ນີ້, ໝໍຢາພື້ນເມືອງໃນທ້ອງຖິ່ນສ່ວນຫຼາຍແມ່ນນັບມື້ແກ່ຊະລາລົງ ແລະ ເສຍຊີວິດໄປກັບຕໍາລາຢາຂອງເພີ່ນ.

ດັ່ງນັ້ນ, ສະຖາບັນການແພດ ແລະ ການຢາພື້ນເມືອງ ກໍຄືກະຊວງສາທາລະນະສຸກກໍາລັງພະຍາຍາມເຕັມທີ່ກັບພາກສ່ວນທີ່ກ່ຽວຂ້ອງ ເພື່ອຂຶ້ນທະບຽນພືດທີ່ເປັນຢາ ແລະ ໃກ້ຈະສູນພັນນັ້ນ ຂຶ້ນເປັນພືດຄຸ້ມຄອງ ແລະ ທັງພະຍາຍາມຮວບຮວມຕໍາລາຢາຈາກໝໍຢາພື້ນເມືອງທົ່ວປະເທດໃຫ້ເປັນຕໍາລາຢາມໍລະດົກພູມປັນຍາທາງການແພດລາວ,

ການບຳລຸງກໍ່ສ້າງບຸກຄະລາກອນດ້ານການແພດ ແລະການຢາພື້ນເມືອງໃຫ້ນັບມື້ນັບກ້າວໜ້າຍິ່ງຂຶ້ນ. ພ້ອມດຽວກັນກໍຫັນເອົາສະໝຸນໄພ ໃຫ້ກາຍມາເປັນສິນຄ້າຢ່າງຖືກຕ້ອງ ແລະປອດໄພ ສາມາດສ້າງລາຍຮັບໃຫ້ແກ່ຊຸມຊົນ.

ຊັບພະຍາກອນທໍາມະຊາດໃນປະເທດລາວທີ່ມີອຸດົມສົມບູນອັນເປັນແຫຼ່ງກຳເນີດຂອງຜົນລະໝາກຮາກໄມ້ທີ່ມີຄຸນຄ່າມີສັບພະຄຸນເປັນຢາຄ່າແພງ ຈົນຖືກຂະໜາມນາມວ່າເປັນ ຄຳຂຽວ. ທີ່ສໍາຄັນ ເພື່ອຮັກສາພູມປັນຍາ ແລະ ຕົ້ນຢາເຫຼົ່ານີ້ໄວ້ ນອກຈາກພວກເຮົາຈະສົ່ງເສີມໃຫ້ມີຜູ້ສືບທອດ ແລະຕໍ່ຍອດສາດແຫ່ງການແພດພື້ນເມືອງແລ້ວ, ທຸກໆຄົນກໍຕ້ອງຊ່ວຍກັນປົກປັກຮັກສາປ່າໄມ້ ອັນເປັນແຫຼ່ງກໍາເນີດຂອງຄຳຂຽວ ໄວ້ໃຫ້ຍືນຍົງ.

cr: ລາຍການເລາະລຸຍລາວ

ກ່ຽວກັບ admin

ກວດສອບຍັງ

ແຊ​ໄວ້! ຮາກຕົ້ນຢາງຮາກຫອມ,ເຄຶອຢາງນົມ ​ຊ່ວຍ​ບຳ​ລຸງກຳລັງທ່ານຊາຍ, ຂັບສານພິດອອກຈາກຮ່າງກາຍໃຫ້ແມ່ລຸກອ່ອນ

ສະບາຍດີຫມູ່ເພື່ອນທີ່ຮັກແພງມື້ນີ້ເຮົາມີຄວາມຮູ້ດີໆກ່ງວກັບພຶດພື້ນບ້ານເຮົາທີ່ເກິດຢູ່ຕາມຮົ້ວຕາມສວນແລະ ເກິດຕາມພື້ນທີ່ເປົ່າຫ່ວາງຕາມຮົ້ວເຮືອນຂອງພວກເຮົາ ແລະ ຕາມປ່າທີ່ມີຊື່ຮ້ອງແຕກຕ່າງກັນໄປເຊັ່ນ ເຄືອສົງ,ເຄືອຕົ້ນຢາງຮາກຫອມ,ເຄຶອຢາງນົມ ລັກສະນະຂອງເຄືອແມ່ນຈັດເປັນພຶດລົ້ມລຸກຕົ້ນຈະກ້ງວຂື້ນຕາມພຶດອ້ອມຂ້າງຫລືເພື່ອໄປຮັບແສງແດດລຳຕົ້ນມີສີແດງໃບມີຮູບເປັນຮູບໃຂ່ໃບແຫລມຍາວປະມານ5-15 ເຊັນມີສີຂງວໃບມີຂົນອ່ອນໆທີ່ເກິດຕາມເຄືອຈົນຮອດຍອດເຊີ່ງສຸງເຖີງ 1- 40 ແມັດແລ້ວແຕ່ສະພາບແວດລ້ອມການເຕິບໂຕມີນໍ້າຢາງສີຂາວຕາມຕົ້ນໃບຈົນຮອດຍອດຕົ້ນເຄືອປະສົງນີ້ແມ່ນເກິດຢູ່ທຸກປະເທດຂອງທະວິບອາຊີເພາະວ່າກະຂະຫຍາຍພັນແມ່ນຂະຫຍາຍດ້ວຍແກ່ນເມື່ອຫມາກມັນແກ່ແລ້ວມັນຈະແຕກອອກມີຂົນສີຂາວຢູ່ທາງໄນແກ່ນຄືຂົນໄກ່ປີວໄປຕາມກະແສລົມສະນັ້ນຈື່ງເຮັດໃຫ້ການຂະຫຍາຍພັນແມ່ນໃປໄກເຖີງ3-10 ກິໂລແມັດແລ້ວແຕ່ແຮງລົມດອກມີສີມ່ວງນ້ອຍໆຍາວປະມານ 3-4 ມີລີແມັດ ດອກເປັນດອກຍ່ອຍປະມານ 20 …

Leave a Reply

Your email address will not be published. Required fields are marked *